قىتايدىڭ باسقارۋ جۇيەسى تۇبەگەيلى وزگەردى
داۋىس بەرۋگە 2964 حالىق قالاۋلىلارى قاتىسقان جانە ونىڭ 2958 ى قىتاي كوممۋنيستىك پارتياسىنىڭ ورتالىق كوميتەتى ۇسىنعان كونستيتۋتسياعا تۇزەتۋلەردى ماقۇلداعان، 2 ادام قارسى شىعىپ، 3 داۋىس بەرۋدەن باس تارتقان جانە 1 بيۋللەتەن جارامسىز بولىپ شىققان.
ەسكە سالا كەتسەك، 25 -اقپان كۇنى ق ك پ ورتالىق كوميتەتى ەل كونستيتۋتسياسىنا وزگەرىستەر ەنگىزۋ بويىنشا ۇسىنىس جاريالاعان ەدى.
ق ح ر نەگىزگى زاڭىنا شي جينپيڭنىڭ جاڭا داۋىردەگى قىتايلىق ەرەكشەلىكتەرى بار سوتسياليزم، قىتاي ۇلتىنىڭ ۇلى جاڭعىرۋىنا قول جەتكىزۋ جانە ەكووركەنيەتتىك قۇرىلىس تۇسىنىگى تۋرالى يدەيالارى ەنگىزىلەدى.
جاڭا تۇزەتۋلەرگە سايكەس، مەملەكەتتىك قىزمەتشىلەر قىزمەتكە كىرىسەردە ەل كونستيتۋتسياسىنا قوعام الدىندا انت بەرەدى جانە ق ح ر مەملەكەتتىك ورگاندار جۇيەسىن باقىلاۋ رەتىندە ۇلتتىق كوميسسيا ەنگىزىلەدى.
تاريحي ءمانى بار نەگىزگى تۇزەتۋلەردىڭ ءبىرى - ق ح ر ءتوراعاسى مەن ءتوراعا ورىنباسارىنا ەكى مەرزىمنەن ارتىق بيلىكتە بولۋىنا تىيىم سالاتىن 79-باپتاعى ءۇشىنشى تارماقتى الىپ تاستاۋ بولدى. بۇل ق ح ر كوشباسشىسى شي جينپيڭگە 2023 -جىلدان كەيىن دە بيلىك باسىندا قالۋىنا مۇمكىندىك بەرەدى.
ەسكە سالا كەتسەك، 2017 -جىلدىڭ قازان ايىندا قىتاي كوممۋنيستىك پارتياسىنىڭ 19-سەزىندە شي جينپيڭنىڭ ەسىمى دىڭ شياۋپيڭ جانە ماۋ زىدۇڭمەن قاتار قىتاي كومپارتياسىنىڭ جارعىسىنا ەنگىزىلدى.
ق ح ر العاشقى كونستيتۋتسياسى 1954 -جىلى قابىلدانعان. ونىڭ قازىرگى ءماتىنى 1982 -جىلدىڭ 4 -جەلتوقسانىندا بەكىتىلدى. سودان بەرى اتالعان قۇجاتقا ءتورت رەت تۇزەتۋ ەنگىزىلگەن.
اۆتور: سادىق اكيجانوۆ
گلاۆ. فوتو: russian.news.cn
فوتو: REUTERS/Jason Lee
