گولوۆكيننىڭ باپكەرى الۆارەستىڭ تازا نوكاۋتقا تۇسەتىنىن ايتتى

«كانەلو» ءبىرىنشى كەزدەسۋدە جۇدىرىقتاسقان جوق، ول ەكىنشى كەزدەسۋدە دە ولاي ەتە المايدى. ويتكەنى سول كەزدە ونىڭ جۇدىرىقتاسقاننان قاشىپ جۇرگەنى كوپ بولدى. ەگەر مىقتى سوققى جۇمساي بىلمەسەڭ جەڭە المايسىڭ. ەگەر «كانەلو» وسى جولى دا قاشىپ جۇرەتىن بولسا، گولوۆكين ونى نوكاۋتقا ءتۇسىرۋ ءۇشىن قولدان كەلگەننىڭ ءبارىن ىستەيدى. گەننادي ونى تازا نوكاۋتقا جىبەرەدى، ويتكەنى ول دوپينگ قابىلدامايدى. ءبىز بۇل جولى جىلدام قيمىلداپ، قارسىلاستىڭ دەنە مۇشەلەرىنە كوبىرەك سوققى جاسايمىز»، - دەدى ابەل سانچەس.

رەۆانش 5- مامىرعا جوسپارلانعان، ول لاس-ۆەگاستاعى T- Mobile Arena-دا وتەدى.

كانەلونىڭ پروموۋتەرلىك كومپانياسى Golden Boy Promotions قازاقستاندىق بوكسشى گەننادي گولوۆكينمەن كەزدەسۋدىڭ الدىندا الۆارەستەن الىنعان سىنامالاردان كلەنبۋتەرولدىڭ تابىلعاندىعىن جاريالادى. كەشىرەك گەننادي گولوۆكين الۆارەستىڭ سىنامالارىنان تىيىم سالىنعان پرەپاراتتاردىڭ تابىلۋىنا الاڭداۋشىلىق ءبىلدىردى. الۆارەستەن سوڭعى رەت الىنعان ەكى سىنامادا مۇنداي پرەپاراتتار تابىلمادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى