سوتسياليستىك ەڭبەك ەرى شىرىنكۇل قازانبايەۆا عاسىرلىق عۇمىرعا قادام باستى - قىزىلوردا وبلىسى

شيەلى اۋدانىنا قاراستى ن. بەكەجانوۆ اتىنداعى اۋىلدا تۇراتىن ابزال انا ونەگەلى ومىرىندە ەسەلى ەڭبەگىمەن ەلدىڭ ەلەۋلىسىنە اينالعان. تەحنيكانى دا تىزگىندەدى، جەر تىرمالاپ، ەگىن ەكتى. وتاعاسى ءجۇمادىلدا مايدان دالاسىنان ەلگە ورالعاننان كەيىن 1947-جىلدان باستاپ ەگىن ەگۋگە شىقتى. داڭعايىر ديقان ىبىراي جاقايەۆتىڭ ونەگەسىن كورىپ ءوستى.

دەگەنمەن، وزىنە سەرىك بولعان تراكتورىنان قول ۇزگەن جوق. ءوزىنىڭ قاراۋىنا بەرىلگەن القاپتى كوكتەم مەزگىلىندە جىرتىپ، ەگىندى دە ءوزى كۇتىمگە الاتىن. ارىق-كانالدى دا تازالايتىن. دەمالىس دەگەندى ەلەي بەرمەيتىن.

وسىنىڭ ناتيجەسىندە العاشقى جىلداردا گەكتارىنا 70-80 تسەنتنەردەن ءونىم العان. كەيىننەن ول گەكتارىنا 100 تسەنتنەرگە كوتەرىلدى.

1972-جىلى سوتسياليستىك ەڭبەك ەرى اتاعىنا يە بولدى. وعان دەيىن كوپتەگەن وردەن-مەدالدى وڭىرىنە قاداپ، قانشاما ماقتاۋ-ماراپاتقا قول جەتكىزدى. ءالى كۇنگە دەيىن اياۋلى انا قۇرمەت بيىگىنەن كورىنىپ، ەل-جۇرتتىڭ ەلەۋلى تۇلعاسىنا اينالىپ وتىر.

«بۇگىنگى كۇنىمىزگە شۇكىرلىك ايتامىن. تاۋەلسىزدىگىمىز باياندى بولسىن. العاشقى جىلدارداعى اۋىرتپالىقتار ارتتا قالىپ، ەلىمىز وركەندەۋ جولىنا ءتۇستى. قازىر ءبىلىمنىڭ زامانى. سوندىقتان جاستارىمىز وقۋ وقىپ، ءبىلىم الۋعا ۇمتىلعانى دۇرىس دەپ ويلايمىن»، - دەيدى ش. قازانبايەۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى