بۇگىن پحەنچحاندا قىسقى پاراليمپيادا ويىندارىنىڭ الاۋى تۇتانادى

18- ناۋرىزعا دەيىن جالعاساتىن قىسقى پاراليمپيادا ويىندارىنا قازاقستاندىق سپورتشىلار دا قاتىسادى.

وسىمەن 12-رەت الاۋى تۇتانعالى وتىرعان بايراقتى دوداعا قازاقستاننان 6 سپورتشى قاتىسادى. اتاپ وتەتىن بولساق، قازاقستان قۇراماسى ساپىندا قايرات قانافين (شاڭعى جانە بياتلون)، الەكساندر گەرليتس (شاڭعى جانە بياتلون)، سەرگەي ۋسولتسيەۆ (شاڭعى جانە بياتلون)، دەنيس پەترەنكو (شاڭعى)، جاڭىل بالتابايەۆا (شاڭعى) جانە الەكساندر كوليادين (شاڭعى) سپورتشىلار بار. وتانداستارىمىز پاراليمپيادا الدىندا گەرمانيادا، رەسەيدە جانە سوڭعى دايىندىقتارىن تالعاردا پىسىقتادى.

ەستەرىڭىزگە سالا كەتەيىك، پاراليمپيادا ويىندارى كەمباعال جاندار اراسىندا، ياعني مۇگەدەكتەر اراسىندا وتەتىن حالىقارالىق سپورتتىق جارىس. ءداستۇر بويىنشا باستى وليمپيادا ويىندارىنان كەيىن وتكىزىلەدى.

پحەنچحانداعى قىسقى پاراليمپيادا ويىندارىندا تاۋ شاڭعى سپورتى، بياتلون، شاڭعى جارىسى، شايبالى حوككەي، سنوۋبورد جانە كەرلينگ سپورتى بويىنشا جۇلدەلەر ساراپقا سالىنادى.

اۆتور:    كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى