قىتايدا ارتىق سالماقتان ارىلعاندارعا سىياقى بەرىلەدى

ءتىپتى، بۇل ەلدە سەمىزدىك دەرەۋ شەشىمىن تابۋى ءتيىس كۇن تارتىبىندەگى وتكىر ماسەلەلەردىڭ بىرىنە اينالعان.

اتالعان ەلدىڭ دەنساۋلىق ساقتاۋ سالاسىنىڭ ماماندارى دابىل قاعىپ وتىر: 2030 -جىلعا قاراي ءاربىر بەسىنشى قىتاي سەمىزدىكتەن زارداپ شەگەتىنىن العا تارتىپ وتىر. سيان قالاسىنداعى ينۆەستيتسيالىق- كونسالتينگتىك كومپانيا باسشىلىعى ءوز قىزمەتكەرلەرىن سالاماتتى ءومىر سالتىن ۇستاۋعا ىنتالاندىرۋ ءۇشىن ەرەكشە كوتەرمەلەۋ شاراسىنا بارىپ وتىر. اتالعان كومپانيا وسىلايشا ەڭبەك ونىمدىلىگىن ارتتىرۋعا كۇش سالىپ وتىر.

بۇل جايىندا Yeni Şafak اقپارات كوزى حابار تاراتتى. ناقتىراق ايتقاندا، اتالمىش كومپانيا جەتەكشىسى ۋاڭ سيۋەباۋ ارتىق سالماقتان ارىلعاندارعا اقشالاي جاردەم بەرەتىنىن مالىمدەدى. ونىڭ ءوزى دە سەمىزدىكتەن زارداپ شەككەن، ارتىق سالماقتان ارەڭ ارىلعان ادام. ارتىق سالماقتان ارىلعان قىزمەتكەرلەرىنە 100 يۋان (15 دوللاردان ءسال كوبىرەك) بەرىپ وتىرماق. ءار كەلىسىنە. ناتيجەسى دە جامان ەمەس. ماسەلەن، جوۋ ۆەي ەسىمدى كومپانيا قىزمەتكەرى ەكى ايدىڭ ىشىندە 20 كەلى ارتىق سالماقتان ارىلىپ، 2000 يۋان العان ەكەن.

ول ارتىق سالماقتان قالاي ارىلدى؟ مايلى تاعامداردان باس تارتىپ، سپورتپەن شۇعىلدانۋدى ادەتكە اينالدىرعان. كەڭسەدە تاپجىلماي وتىرۋدان سەمىرىپ كەتكەن قىزمەتكەرلەر ودان ۇلگى الىپ، سالاماتتى ءومىر سالتىنا كوشكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى