وڭتۇستىك قازاقستان اكىمى قىتاي حالىق رەسپۋبليكاسىنان كەلگەن دەلەگاتسيا مۇشەلەرىمەن كەزدەستى

كەزدەسۋ بارىسىندا تاراپتار ەكونوميكا جانە ساياسي بايلانىستى ارتتىرۋ ماسەلەسىن ءسوز ەتتى، دەپ حابارلايدى قازاقپارات ءتىلشىسى.

اسپاناستى ەلىنەن كەلگەن قوناقتاردى قىتايدىڭ ينۆەستيتسيا جانە دامۋ كوميتەتىنىڭ دەپارتامەنت باسشىسى چين يۋيتساي باستاپ كەلدى. قازىر ەكى ەل اراسىندا ورتاق 51 كاسىپورىن جۇمىس ىستەيدى. ونىڭ 10 پايىزى وڭتۇستىك وڭىردە ورنالاسقان. تاراپتار بۇل كەزدەسۋ سول كورسەتكىشتى جاقسارتۋ ءۇشىن وتكىزىلىپ وتىرعانىن اتاپ ءوتتى.

«بۇل كەزدەسۋ ەكى تاراپ ءۇشىن دە ءتيىمدى بولادى. سەبەبى، وڭىردە كاسىپكەرلىكپەن اينالىسۋ ءۇشىن جاقسى جاعداي جاسالعان. ول قىتايلىق كاسىپكەرلەردى قىزىقتىرادى دەپ ويلايمىن. الداعى ۋاقىتتا بولاتىن كەزدەسۋلەرگە كاسىپكەرلەردى تارتۋىمىز كەرەك، - دەدى ايماق باسشىسى جانسەيىت تۇيمەبايەۆ.

قىتاي دەلەگاتسياسىنىڭ ساپارى ەكى كۇنگە جوسپارلانعان. شەتەلدىك قوناقتار الداعى ۋاقىتتا تاعى دا كەزدەسۋ ۇيىمداستىرۋ جوسپارلانعانىن جەتكىزدى.

«نەگىزىندە ەكى ەلدىڭ اراسىندا بايلانىس جاساۋ ىڭعايلى. سەبەبى قىتاي مەن قازاقستاندى ۇلى جىبەك جولى بايلانىستىرىپ جاتىر. ال، ءبىزدى وڭتۇستىكتىڭ تابيعي ءونىمى كوبىرەك قىزىقتىرادى. سونىمەن قاتار سىزدەردەگى تابيعي قازبالاردىڭ كوپتىگى دە بىرلەسە جۇمىس ىستەۋگە قولايلى. سونداي- اق، الداعى ۋاقىتتا ءبىلىم سالاسىنداعى بايلانىستى ارتتىرۋدى دا كوزدەپ وتىرمىز» ، - دەدى چين يۋيتساي.

 اۆتور: اينۇر اقبايەۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى