قازاقستاندا اسكەري تەلەارنا قۇرۋ ۇسىنىلدى

«ەلىمىزدەگى اسكەري تاربيە جۇيەسىن جاقسارتۋ جانە جەتىلدىرۋ، اسكەري ءتارتىپتى نىعايتۋ ماقساتىندا 1993 -جىلعى 19 - قاڭتاردا «قازاقستان رەسپۋبليكاسىنىڭ قارۋلى كۇشتەرىندە كومانديرلەردىڭ (باستىقتاردىڭ) تاربيە جانە الەۋمەتتىك- قۇقىقتىق جۇمىس جونىندەگى ورىنباسارلارىنىڭ ينستيتۋتىن قۇرۋ تۋرالى» ەل پرەزيدەنتىنىڭ N1084 جارلىعى قابىلداندى.

ەلباسى جارلىعىنا سايكەس، «ت ا ق ج بويىنشا ورىنباسارلار ينستيتۋتى» باستاپقىدا قورعانىس مينيسترلىگى ورتالىق اپپاراتىنان باستاپ، بارلىق بۋىندارعا دەيىن ەنگىزىلدى. الايدا كەيىن بۇل سالا وزگەرىسكە ۇشىراپ، قارۋلى كۇشتەردە اتالعان جۇمىس باس شتابقا جۇكتەلگەن. وسىنىڭ ناتيجەسىندە، بۇنىمەن ق ر  ق ك باس شتابىنىڭ تاربيە جانە يدەولوگيالىق جۇمىستار دەپارتامەنتى اينالىسىپ كەلەدى. جارلىق ەرەجەسى تولىققاندى ورىندالۋى ماقساتىندا تاربيە جانە الەۋمەتتىك- قۇقىقتىق جۇمىس دەڭگەيىن كوتەرىپ، جەكە قۇرامنىڭ مورالدىق- پسيحولوگيالىق احۋالى مەن اسكەري ءتارتىپتى نىعايتۋ كەرەك. بۇل رەتتە قورعانىس مينيسترلىگىندە تاربيە جانە الەۋمەتتىك- قۇقىقتىق جۇمىس جونىندەگى ورىنباسارى لاۋازىمىن قايتا قالپىنا كەلتىرۋدى ۇسىنامىن»، - دەپ اتاپ ءوتتى دەپۋتات ءماجىلىستىڭ جالپى وتىرىسىندا.

بۇدان بولەك ب. سماعۇلدىڭ دەپۋتاتتىق ساۋالىندا جەكە اسكەري تەلەارنا قۇرۋ باستاماسىن قاراستىرۋ ۇسىنىسى دا قامتىلعان.

ونىڭ پايىمىنشا، بۇگىندە ەكشن ستيلىندەگى وتاندىق تولىق مەتراجدى كوركەم فيلمدەر، ق ر  ق ك باسقا دا اسكەرلەر مەن اسكەري قۇرىلىمدارى تۋرالى وقۋ، دەرەكتى، عىلىمي- تانىمدىق، اعارتۋ فيلمدەردى جاساپ شىعارۋ بويىنشا بەلسەندى ارەكەتتەر جوق.

مۇنىمەن قوسا ول ەلباسى جاريالاعان «رۋحاني جاڭعىرۋ» باعدارلاماسىنداعى باستامانى ۇلگى ەتە وتىرىپ، تاۋەلسىز قازاقستاننىڭ وتان قورعاۋشىلارىنىڭ قاھارماندىعى مەن جەتىستىكتەرىن كورسەتىپ، قوعام اراسىندا ناسيحاتتايتىن «اسكەردەگى 100 جاڭا ەسىم» جوباسىن وتكىزۋ باستاماسىن كوتەردى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى