تانىمال بوكسشىلار الۆارەستى ءومىر بويىنا سپورتتان شەتتەتۋ ۇسىنىلدى

الۆارەستىڭ سىناماسىنان كلەنبۋتەرول دەگەن تىيىم سالىنعان زات تابىلعان. بوكسشىنىڭ كومانداسى مۇنى تاعامنان ەنىپ كەتكەن دەپ اقتالىپ وتىر. كانەلونىڭ ەكى بىردەي دوپينگ-سىناماسىنان وسى تىيىم سالىنعان زات تابىلعان.

دونوۆاننىڭ پىكىرىنشە، الۆارەس جازالانۋى ءتيىس، سەبەبى مەكسيكالىق پرەپاراتتى قاساقانا قولدانعان بولۋى مۇمكىن.

«كلەنبۋتەرول - جەڭىل پرەپارات ەمەس، ەتتەن كەلدى دەي المايسىڭ. بۇل امستەردامدا قانىڭنان ماريحۋانا شىعىپ تۇرسا دا، ءتاتتى ناننان دەپ اقتالعانداي كۇي. پرەپارات مايدى جويىپ، بۇلشىقەت ماسساسىن وسىرەدى جانە دەمالۋعا كومەكتەسەدى. مۇنى قاساقانا قابىلداساڭ، قاتتى زاقىم كەلمەيدى. ءومىر بويىنا شەتتەتۋ»، - دەپ جازدى ول Twitter جەلىسىندە.

بوكسشىنىڭ بۇل پىكىرىن اسا اۋىر سالماقتا جۇدىرىقتاساتىن امەريكالىق ەددي چەمبەرس (42-5, 23 ك و) قولدادى، ايتۋىنشا، «الۆارەستىڭ ءىسى» جازامەن اياقتالۋى ءتيىس.

«سپورتشى مىقتىلىعىن ارتتىرۋ ءۇشىن الدەنە قولدانسا، ماسقارا بولادى. بوكس - بۇل سپورت، مۇندا قارسىلاسىڭا زاقىم كەلتىرۋىڭ كەرەك. سوندىقتان دوپينگپەن ۇستالساڭ، اقتالۋ ەمەس، سالدارى بولۋى ءتيىس! مەكسيكالىق سيىرلار اقتالۋ ءۇشىن جاقسى سىلتاۋ بولدى. الايدا GGG - «كانەلو» جەكپە-جەگىنە كوپ اقشا جۇمسالادى، بىردەڭە بولا قالسا سۇمدىقتىڭ كۋاسى بولامىز»، - دەپ جازدى چەمبەرس.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى