قازاقستانداعى كوپبالالى انالار مەن زەينەتكەر ايەلدەردىڭ سانى بەلگىلى بولدى
كورپوراتسيا باسپا ءسوز قىزمەتىنىڭ مالىمەتىنشە، بىلتىرعى 8- ناۋرىزدان بۇگىنگە دەيىن حالىققا قىزمەت كورسەتۋ ورتالىقتارىنا 13 ميلليوننان استام ايەل ادام جۇگىنگەن.
«ازاماتتارعا ارنالعان ۇكىمەت» حالىققا 620 دان استام قىزمەت كورسەتەدى. كۇن سايىن فرونت-وفيستەرگە قازاقستان بويىنشا ءجۇز مىڭنان استام ادام جۇگىنەدى. ونىڭ جارتىسىنان كوبى ايەلدەر.
مىسالى، اتالعان مەرزىم ىشىندە بەرىلگەن ەلەكتروندىق-سيفرلىق قولتاڭبانىڭ 53 پايىزى، ياعني ەكى ميلليوننان استامى قىز-كەلىنشەكتەرگە تيەسىلى.
اۆتوكولىكتەرگە قاتىستى قۇجاتتار جونىندەگى كورسەتكىشتەرگە كەلسەك، مامانداندىرىلعان ح ق و ارقىلى بەرىلگەن جۇرگىزۋشى كۋالىگىنىڭ 25 پايىزى، ياعني 96 مىڭنان استامى ايەل ازاماتتاردىڭ ەنشىسىندە. ال 337 مىڭعا جۋىق نازىك جاندى كولىك مەنشىكتەگەن قۇجات العان.
ايتا كەتەرلىگى، قازىرگى تاڭدا ەلىمىزدە 236 مىڭنان استام كوپبالالى انا بار. سونداي-اق 303508 انا ءبىر جاسقا دەيىنگى بالا كۇتىمى بويىنشا جاردەماقى، ال 1525818 ايەل ادام زەينەتاقى الىپ وتىر.
