جارىمجان جاندار جاساندى ۇرىقتاندىرۋعا ارنايى كۆوتا ءبولۋدى سۇرادى
«تاۋەلسىز ءومىر» دوس» قوعامدىق بىرلەستىگىنىڭ باس مامانى ارداق وتاربايەۆ مۇنداي ءوتىنىشىن ءماسليحاتتا وتكەن قوعامدىق تىڭداۋلار بارىسىندا ءبىلدىردى.
«ءبىزدىڭ قوعامدىق بىرلەستىكتىڭ مۇشەلەرى نەگىزىنەن ارباعا تانىلعان مۇگەدەكتەر، تىرەك- قيمىل مۇشەلەرى زاقىمدانعان ازاماتتار. قازىرگى كۇنى كوپتەگەن ارباداعى مۇگەدەكتەر بەلسەندىلىك تانىتىپ، ءتۇرلى سالادا جۇمىس ىستەپ ءجۇر، سپورتپەن دە شۇعىلدانادى. كوبى ۇيلەنىپ، وتباسىن قۇرىپ جاتىر. بىزدە فيزيكالىق جولمەن بالا سۇيە المايتىن وتباسىلار بار. وسى ورايدا ەكۇ ورتالىقتارىنا مۇگەدەكتەرگە ارنالعان ارنايى كۆوتا بار ما؟»، - دەدى ارداق وتاربايەۆ.
قالالىق دەنساۋلىق ساقتاۋ باسقارماسىنىڭ باسشىسى كامالجان نادىروۆتىڭ ايتۋىنشا، استانادا بالا سۇيە المايتىن وتباسىلارعا جىل سايىن 50-گە جۋىق كۆوتا بولىنەدى.
«كۆوتا بار. ءبىراق ول بارىنە بىردەي جەتە بەرمەيدى. استاناعا جىلىنا 50-گە جۋىق كۆوتا بولىنەدى. ال ول جەڭىلدىككە يە بولعىسى كەلەتىندەر سانى بىرنەشە مىڭ. جەڭىلدىكتى ءبولۋ كەزىندە ۇمىتكەرلەردى ىرىكتەۋ كەزىندە مۇگەدەك نەمەسە مۇگەدەك ەمەس دەپ ءبولىپ- جارمايمىز. ناقتى مەديتسينالىق كورسەتكىشتەر بار: ەكۇ تسيكلىنىڭ ساتتىلىگىن انىقتايتىن ارنايى كورسەتكىشتەر بار. سول كورسەتكىشتەردى باعالاي كەلە، ءبىز ءتىزىمدى بەكىتەمىز. ول ءۇشىن ارنايى كوميسسيا بار»، - دەدى كامالجان نادىروۆ.
بۇعان قوسا باسقارما باسشىسى ەكۇ كۆوتاسىن بولەتىن كوميسسيا قۇرامىن كەڭەيتىپ، ادامدار كەزەگى ەلەكتروندى فورماتقا كوشىرىلەتىنىن ايتتى.
«كەزەكتى ەلەكتروندى فورماتقا كوشىرىپ، ونلاين رەجيمدە باقىلاپ وتىراتىن بولامىز. بۇل ماسەلەنى قاراستىرۋعا دايىنبىز. ءبىراق كۆوتا وتە از»، - دەدى ول.
