ون ەلدىڭ توعىزقۇمالاقشىلارى باق تالاستىرعان تۋرنير اياقتالدى - فوتو
وبلىستىق دەنە شىنىقتىرۋ جانە سپورت باسقارماسىنان ءمالىم ەتكەندەي، بيىل ون ءبىرىنشى مارتە ۇيىمداستىرىلعان باسەكەگە قازاقستاننان، اۋعانستان، ازەربايجان، قىرعىزستان، قىتاي، وزبەكستان، رەسەي، تۇرىكمەنستان، تۇركيا جانە تاجىكستاننان 20 كوماندا، بارلىعى 220 ادام قاتىستى. جارىس توعىزقۇمالاقتىڭ كلاسسيكا تۇرىنەن 9 تۋرمەن، جاس ەرەكشەلىگى بويىنشا 4 توپتا ءوتتى.
ويىننىڭ ماقساتى - ەلباسى باستاماسى اياسىندا ۇلتتىق رۋحتى جاڭعىرتۋعا ىقپال ەتەتىن توعىزقۇمالاقتى دامىتۋ، حالىق اراسىندا كەڭىنەن ناسيحاتتاۋ، سپورتتىق شەبەرلىكتى جانە زياتكەرلىك قابىلەتتى قالىپتاستىرۋ.
جارىس ناتيجەسىندە، «ەڭ جاس ويىنشى» نوميناتسياسىندا 6 جاستاعى ارال اۋدانىنان ءىنجۋ ءومىرباي، «ەڭ جاسى ۇلكەن ويىنشى» نوميناتسياسىندا 70 جاستاعى وڭتۇستىكقازاقستاندىق تىلەۋ قۇدياروۆ توپ جاردى. جارىسقا بەلسەندى قاتىسقانى ءۇشىن ءبىرقاتار ەلدەردىڭ وكىلدەرىنە ديپلومدار مەن ەستەلىك سىيلىقتار بەرىلدى. سونداي-اق 2017 -جىلدىڭ قورىتىندىسى بويىنشا توعىزقۇمالاقتان «ۇزدىك ويىنشى» اتالىمىندا الەم چەمپيوناتىنىڭ قولا جۇلدەگەرى، جەرلەسىمىز اقەركە كەنجەبەكوۆا ماراپاتتالدى.
جەڭىمپازدار مەن جۇلدەگەرلەرگە ديپلومدار، كۋبوكتار مەن اقشالاي سىيلىقتار تابىستالدى.
تۋرنير ناتيجەسى:
15 جاسقا دەيىنگى جاس ءوسپىرىم قىزدار:
I ورىن بالنۇر ايجارىق ( قىزىلوردا)
II ورىن زارينا اسىبەك ( قىزىلوردا)
III ورىن گۇلزات قىستاۋبايەۆا (ارال اۋدانى)
15 جاسقا دەيىنگى جاسوسپىرىم ۇلدار:
I ورىن دامير احمەتوۆ (سىرداريا)
II ورىن بەكسايىر ايتماحانوۆ ( قىزىلوردا)
III ورىن جارىلقاسىن بەركىنبايەۆ (وقو)
ايەلدەر اراسىندا:
I ورىن اسەل داليەۆا (و ق و)
II ورىن سالتانات ساپاربەكوۆا (و ق و)
III ورىن ايتۇرعان ماقساتبەك قىزى (قىرعىزستان)
ەرلەر اراسىندا:
I ورىن عالىمجان تەمىربايەۆ (استانا)
II ورىن سايات جانداربەك (و ق و)
III ورىن بەكسۇلتان بوستاندىقوۆ ( قىزىلوردا)
ايتا كەتەيىك، ءنالقوجا اقبالا ۇلى سىر ەلىنىڭ الەۋمەتتىك- ەكونوميكالىق دامۋىندا ءىز قالدىرعان بەلگىلى قوعام قايراتكەرى. ەلگە ادال قىزمەت جاساعان ازامات 2 مارتە لەنين وردەنىمەن، ەڭبەك قىزىل تۋ، «قۇرمەت بەلگىسى» وردەندەرىمەن ماراپاتتالعان. بۇگىندە سىرداريا اۋدانى مەن اۋىلدارداعى مەكتەپتەر، مادەنيەت ۇيلەرىنىڭ ءبىرقاتارى ءبىر كەزدەرى وسى اۋداندى باسقارعان ءنالقوجا اقبالا ۇلىنىڭ باستاماسىمەن سالىندى. بىلتىردان باستاپ حالىقارالىق مارتەبەگە يە بولعان تۋرنيرگە جىل وتكەن سايىن قاتىسۋشىلار سانى كوبەيىپ، ماڭىزى ارتا تۇسۋدە.
