قازاقستاندىق دجيۋ-دجيتسۋ شەبەرلەرى الەمدى مويىنداتتى

ورىنبەك قونىسوۆ العاشقى الەم چەمپيوناتىندا كۇمىس مەدالعا يە بولدى. 20 جاسار جىگىت 94 سالماقتا باق سىنادى. بىرنەشە كەزدەسۋ وتكىزىپ، قارسىلاستارىن تىزە بۇكتىرگەن. جارتىلاي فينالدا ءۇندىستاندىق سپورتشىنى جەڭىپ، اقتىق كەزەڭدە گرەتسيادان كەلگەن قارسىلاسىنا ەسە جىبەرگەن.

«الەم چەمپيوناتىنا دايىندىق جاقسى بولدى. نەگىزى ماقسات «التىن» بولدى. ءبىراق، «كۇمىس» بۇيىردى. وسى جارىسقا دايىنداعان باپكەرىم بولات دۇيسەنبيەۆكە كوپ راقمەت»، - دەيدى دجيۋ-دجيتسۋدان الەم چەمپيوناتىنىڭ كۇمىس جۇلدەگەرى ورىنبەك قونىسوۆ.

جاستار مەن جاس وسپىرىمدەر اراسىنداعى سپورتتىق باسەكە ابۋ-دابيدە ناۋرىزدىڭ 1 ءى مەن 4 ءى ارالىعىندا ءوتتى. ۇلتتىق قۇراما ساپىندا 70 كە جۋىق سپورتشى شىقتى. ولار 1  التىن، 4 كۇمىس جانە 6 قولا مەدال ەنشىلەدى. قازاقستان قۇراماسى جالپى كوماندالىق ەسەپتە ۇزدىك 10 دىقتىڭ قاتارىنا كىردى.

دجيۋ-دجيتسۋدان م و قۇراماسىنىڭ باس باپكەرى بولات دۇيسەنبيەۆتىڭ ايتۋىنشا، بارلىعى 45 مەملەكەت قاتىستى. ماڭعىستاۋدان 8 سپورتشى شىقتى. سونىڭ بىرەۋى ەكىنشى ورىن الدى. وتكەن جىلى كورسەتكىش جاقسى بولدى. ول كەزدە ءبىر چەمپيون، ءبىر كۇمىس جۇلدەگەر جانە ءبىر قولا جۇلدەگەر بولىپ ەدىك. ەندى دايىندىقتى كۇشەيتەمىز.

«جەڭىسپەن ورالعان جەرلەستەر كەلەسى سايىسقا دايىندىقتى باستادى. الدا جاستار مەن جاس وسپىرىمدەر ءۇشىن سىناق كوپ. سوندىقتان، ەڭبەك ءبارىن جەڭبەك، - دەيدى سپورتشىلار.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى