پاۆلودارلىق وقۋشى وڭ جاق رۋلدى اۆتوكولىكتەرگە ارنالعان قۇرىلعى ويلاپ تاپتى

س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنىڭ كوۆوركينگ-ورتالىعىندا Startup Weekends بيزنەس-يدەيالارىنىڭ ايماقتىق كەزەڭى ءوتتى.

«ستۋدەنتتەر مەن ماگيسترلاردىڭ اراسىندا ءبىزدىڭ وقۋشىلارىمىز ميراس شاكرات جانە باۋىرجان قاپەنوۆ ءوز جوبالارىن قورعاپ شىقتى، - دەيدى وبلىستىق كوپ سالالى دارىندى بالالارعا ارنالعان ليتسەي-ينتەرناتى ديرەكتورىنىڭ ورىنباسارى گۇلنار نۇرعازينا. - ولار ميراس Megamozg (قاۋىپسىز جۇرگىزۋ) جوباسىن تانىستىردى. ول وڭ جاق ءرۋلدى اۆتوكولىكتەرگە ارنالعان قۇرىلعى ويلاپ تاپتى. داتچيك ارقىلى باسقا كولىكتىڭ قاراما-قارسى جولدا كەلە جاتقاندىعى كورسەتىلەدى. اتالمىش قۇرىلعىعا قازىلار جوعارى باعا بەردى. سونىمەن قاتار باۋىرجان «ءوز ماماندىعىڭدى تاڭدا» اتتى سايتتىڭ پروتوتيپىن قورعادى. تۇلەكتەر مەن وقۋشىلارعا ارنالعان جوبا كوپشىلىكتىڭ قىزىعۋشىلىعىن تۋدىردى. ق ر تۇلەكتەرىنىڭ 92 پايىزى ونلاين-ساراپتاما ناتيجەسىندە وسى سايتتىڭ پايدالى ەكەندىگىن ايتتى».

مامانداردىڭ بۇل جوبالارعا بەرگەن جوعارى باعاسى ميراس پەن باۋىرجاننىڭ «مەنىڭ ارمانىم» كونكۋرسىنىڭ رەسپۋبليكالىق كەزەڭىنە وتۋگە مۇمكىندىك بەردى.

«دارىندى وقۋشىلارىمىز ادامزاتتىڭ ماسەلەلەرىن شەشۋ مەن بولاشاق ءۇشىن ەڭبەكتەنۋگە دايىن ەكەنىن ايتۋدا، - دەيدى گۇلنار نۇرعازينا. - ميراس پەن باۋىرجاننىڭ جوبالارى اۆتورلىق بولىپ تابىلادى. ءبىز ولارعا قاشان دا قولداۋ بەرۋگە دايىنبىز. ميراس بيزنەس-يدەياسىنىڭ اۆتورلىق قۇقىعىن تىركەپ، ءوز كاسىبىن جەتىلدىرۋدى كوزدەيدى».

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى