سايابەك زيادين: ەلباسى باستاماسى - دامىعان ەلدەردىڭ قاتارىنا ۇمتىلعان ەكونوميكالىق قادام

«پرەزيدەنتتىڭ بەس الەۋمەتتىك باستاماسىنداعى» ءبىرىنشى باستاما - «ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» جاستاردىڭ ءۇمىتىن ۇلعايتتى. نەسيەلەندىرۋدى ءارتاراپتاندىرۋدىڭ نەگىزگى تەتىگى بولىپ سانالاتىن يپوتەكا ماسەلەسى حالىقتى تۇرعىن ۇيمەن قامتاماسىز ەتۋدە ۇلكەن ورىن الاتىنى راس. الەمدەگى ەڭ تومەنگى يپوتەكا بەرەتىن بەس مەملەكەت بار: جاپونيا  1,68 پايىز ، شۆەيتساريا 1,75 پايىز، فينليانديا 1,83 پايىز، گەرمانيا 1,90 پايىز، ليۋكسەمبۋرگ 2,0 پايىز. بۇل مەملەكەتتىڭ كىسى باسىنا تابىسى دا ءبىزدىڭ مەملەكەتپەن قاراعاندا اناعۇرلىم جوعارى. جاپونيادا يپوتەكا 10 پايىزدىق باستاپقى جارنامەن 35 جىلعا دەيىن بەرىلەدى. جاپونيادا ينفلياتسيا دەڭگەيى ءنولدىڭ اينالاسىندا بولعانىن ەسكەرسەك، پايىزدىق مولشەرلەمەسى وتە ورىندى دەپ ەسەپتەۋگە بولادى»، - دەيدى پروفەسسور.

قازاقستانداعى قارجىلىق جاعدايدى ەسكەرسەك، جيىرما بەس جىلدا ينفلياتسيا دەڭگەيى قانداي بولماق؟ ەكونوميكا عىلىمدارىنىڭ دوكتورى سونى دا رەتتەيتىن مەملەكەتتىك مەحانيزمدەر قاتار ورىندالۋى ءتيىس دەپ سانايدى.

«بۇل جەردە نەسيە بەرۋشى بانكتەر دە ۇتىلماۋى كەرەك. ەلباسىنىڭ بۇل باستاماسى - ەلىمىزدىڭ وسىنداي الپاۋىت مەملەكەتتەرىنىڭ قاتارىنان كورىنۋگە دەگەن قارىشتى ەكونوميكالىق قادامى. 30 دامىعان مەملەكەتتىڭ باستى نىشاندارىنىڭ ءبىرى مەملەكەتتىڭ حالىقتىڭ الەۋمەتتىك جاعدايىن جەتىلدىرۋدەگى ءرولى. بۇل الەۋمەتتىك قادام سونىڭ ايقىن ايعاعى»، - دەدى عالىم سايابەك زيادين.

اۆتور: الماس مۇقاش ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى