ءوت جولدارىن ءۇي جاعدايىندا قالاي ەمدەۋگە بولادى

ونى بەلگىلى ءبىر مولشەردە اق ىرىمشىككە (تۆوروگ)، سابىزگە، ليمون شىرىنىنا قوسىپ جەگەن دۇرىس.

كەيدە تۇرىپتىڭ (رەدكا) ءىشىن ۇڭگىپ، وعان بالدى تولتىرىپ قويىپ، ءۇش-ءتورت ساعاتتان سوڭ دايىن بولعان شىرىندى ءوت جولى اۋىراتىن ەرەسەك ادامعا اس قاسىقپەن، ال بالاعا ءشاي قاسىقپەن كۇنىنە 2-3 رەت بەرۋ كەرەك. مۇنداي ءادىس ءوت جولى مەن بۇيرەكتە قۇم، تاس جينالۋدان ساقتايدى، دەپ جازادى facebook جەلىسىنىڭ «وتباسىم- الىن بوساعام» توبىندا.

سونداي-اق، ءبىر ستاقان ءسال جىلىتىلعان مينەرال سۋىنا ءبىر اس قاسىق بال قوسىپ، ونى اش قارىنعا ءىشىپ، ءبىر جارىم نە ەكى ساعاتتاي قىرىنان جاتىپ، باۋىرعا اسا ىستىق ەمەس گرەلكا باسقان ءجون. سوندا باۋىردا جينالىپ قالعان ءوتتىڭ اسقازانعا قاراي اعىپ ءوتىپ، باۋىردىڭ جەڭىلدەنۋىنە اسەر ەتەدى.

بالدى ۇككىشتەن وتكىزىلگەن سابىزدەن قوسىپ، بانكىگە سالىپ ءبىراز ۋاقىت قويسا، ابدەن ەرىپ، ءسابىزدىڭ شىرىنىنا قوسىلىپ، توساپ سياقتى وتە ءتاتتى تاعام بولادى. ونى، اسىرەسە، باۋىرى، ءوت جولى اۋىراتىندار ەم رەتىندە پايدالانسا، شيپالىق قاسيەتى مول. بال قوسىلعان ءسابىزدىڭ قۇرامىندا كاروتين دەپ اتالاتىن دارۋمەندى زات جاقسى ساقتالادى. بالدى ليمونعا قوسىپ ساقتاسا، بۇيرەگى، باۋىرى، ءوت جولى اۋىراتىندارعا وتە پايدالى.

پياز - باۋىر مەن ءوت جولدارىنا ەم

ۇستىنە شەكەر سەۋىپ بۋعا پىسىرىلگەن پياز باۋىر مەن ءوت جولدارى اۋرۋلارىنا ەم بولادى. پيازدىڭ تۇقىمىن سۋعا قايناتىپ ىشسەڭىز، بۇيرەك اۋرۋلارىنا داۋا. وسى قايناتپانى 1/1 مولشەرىندە پىسكەن سۇتكە ارالاستىرىپ ىشسەڭىز، كوزىڭىزدىڭ كورۋ قۋاتى ارتادى.

جالبىزدىڭ پايداسى

جالبىزدى ءوت ءبولىنۋىنىڭ بۇزىلىستارىندا، ءوتتىڭ جانە ءوت جولىنىڭ قابىنۋىندا، سونىمەن قاتار وتتەگى تاس اۋرۋلارى مەن سارى اۋرۋدا، ىسىنۋلەردە، اسقازان شانشۋلارىندا، اسقورىتۋ جانە جۇيكە جۇيەسىنىڭ جۇمىسىنداعى بۇزىلىستارىندا، ۇيقىسىزدىقتا، باس ساقيناسىندا، نەۆرالگيادا، جۇيكە تىرىسۋىندا جانە ەتەككىر كەزەڭىنىڭ بۇزىلىستارىندا قولدانادى.

ونى قوسىمشا رەتىندە سالاتتا، كونديتەر وندىرىسىندە، سۋسىندار، اراقتار مەن ليكەرلار وندىرىسىندە، سونىمەن قاتار حوش يىستەندىرىلگەن سىركە سۋىن، قۋىرىلعان ەتتى جانە زەلتس دايىنداۋدا قولدانادى. ۇلى بريتانيادا جالبىزدى تۇزدىق كوپتەگەن تاعامدارعا قوسىلاتىن ءداستۇرلى قوسىمشا بولىپ تابىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى