ەر ازامات جارىنا نەلىكتەن قول كوتەرەدى؟ پسيحولوگ كەڭەسى
قازىرگى تاڭدا بۇل ماسەلە الەۋمەتتىك جانە پسيحولوگيا عىلىمىندا وزەكتى تاقىرىپتاردىڭ بىرىنە اينالىپ وتىر. وتباسىنداعى ۇرىستىڭ شىعۋ جولدارى نەدەن باستاۋ الادى؟ سىزگە نە ءۇشىن قول كوتەرەدى؟
سىزدەر نە ءۇشىن ۇنەمى ۇساق- تۇيەك دۇنيەگە بولا ۇرىس شىعارىپ، ونىڭ سوڭى ادام تانىماستاي ەكى جاققا ايىرىلۋعا دەيىن اپارادى.
ەگەر ەرلى- زايىپتىلار باستارى قوسىلعانشا، ءبىر- ءبىرىنىڭ مىنەز-قۇلقىن، ادەتتەرى مەن جاعىمسىز مىنەزدەرىن ءبىلىپ الماسا، نەكەنىڭ باقىتتى بولۋى مۇمكىن ەمەس. و. بالزاك وتباسىنىڭ تاتۋلىعىن بۇزاتىن جانجالداردى شەشۋ ءۇشىن، الدىمەن تومەندەگى كەڭەسكە قۇلاق تۇرىڭىزدەر:
قول كوتەرۋدىڭ نەگىزگى سالدارى:
1. قارجى ماسەلەسىنىڭ جەتكىلىكسىزدىگى
وتباسى بولىپ ۇيلەنگەننەن كەيىن، قارجى ماسەلەسى قاي جەردە دە بولماسىن بىرگە جۇرەدى. سول قارجىلىق ماسەلەسى وتباسىنىڭ شىرقىن بۇزباي عانا قويماي، قول كوتەرۋگە اپارادى. جالاقىنى ۇنەمدەپ ۇستاۋدى ۇيرەنىڭىز، كەرەگىڭىزگە عانا جۇمساڭىز.
ەكەۋىڭىز دە جۇمىس ىستەيتىن بولساڭىزدار، مەنىڭ جالاقىم كوپ، سەنىڭ جالاقىڭ از دەپ سالعىلاسۋدى قويىڭىزدار.
ەگەر دە بار قيىندىقتى بىرگە جەڭبەسەڭىزدەر، نە ءۇشىن ۇيلەندىڭىز؟ شىن ءسۇيىپ ۇيلەنگەن جاندار قاي ماسەلەنى بولسا دا ءبىرىنشى شەشەدى.
ەرىڭىز اقشانى ۇنەمدەپ ۇستا دەسە، ايتقانىن ورىنداڭىز.
2. قىزعانىشتان تۋىندايتىن جانجالدار
ءسىز ءوزىڭىزدى قىزعاندىرماس ءۇشىن، مىنەز- قۇلىقىڭىزدى جاقسى جاققا وزگەرتىڭىز.
كەشكىلىك تويلارعا نەمەسە جيىندارعا بارعاندا، تىم اشىق-شاشىق كيىنبەڭىز. سول كيىمگە بولا قانشاما داۋ تۋىندايدى.
الەۋمەتتىك جەلىدە كوپ وتىرماڭىز، قاراپايىم عانا ۇيالى تەلەفونىڭىزدى جارتى ساعات بويى كۇيەۋىڭىزدىڭ كوزىنشە ۇستاپ قاراپ وتىرساڭىز، سونىڭ وزىنە كۇيەۋىڭىز قىزعانىپ ۇرىس شىعارادى.
قىزعاندىرامىن دەپ سوڭىندا وپىق جەيتىندەر دە بار. قاتتى قىزعانشاق بولساڭىز، كۇيەۋىڭىزدى وزىڭىزگە عانا قىزىعاتىنداي ادەمى سۇلۋ بولىپ ءجۇرىڭىز.
3. ۇساق-تۇيەكتەن تۋىندايتىن جانجالدار
بولماشى نارسەگە بولا رەنىجىپ قالۋ. سەبەبىن بىلمەسەڭىز نەسىنە رەنجيسىز.
رەنجىگەن بولساڭىز ۇندەمەڭىز.
قۇلاققا تۇرپىدەي تيەتىن سوزدەن اۋلاق بولىڭىز.
كۇيەۋىڭىزگە نە بولسا، سونى ايتىپ باسىن قاتىرماڭىز.
بالارىڭىزدىڭ كوزىنشە ۇرسىسپاڭىزدار.
جاقسى وتباسى دەگەنىمىز - كەمشىلىكسىز وتباسى ەمەس، كەمشىلىكتەرىن دەر كەزىندە تۇزەتۋگە تىرىساتىن وتباسى. باستىسى اراداعى ماحاببات سەزىمى بارىندە جەڭۋى كەرەك.
4. ىشكىلىكتەن تۋىندايتىن جانجالدار.
ەگەر كۇيەۋىڭىز قاتتى ىشەتىن بولسا، ارنايى ماماندارعا كورسەتىڭىز.
سىزگە ماس كۇيىندە ءبىرىنشى رەت قول كوتەرسە، ەشكىمگە ايتپاي شىدادىڭىز. ەكىنشى رەت ءدال سولاي قايتالانسا، ءوزىڭىزدى ويلاڭىز سوسىن، بالاڭىزدى ويلاڭىز. ءسىز سوندا كۇيەۋىڭىزدەن تاياق جەۋ ءۇشىن ۇيلەندىڭىز بە جوق الدە ءومىر باقي جالعىز قالامىن دەپ ويلايسىز با؟
ءوزىڭىزدى ويلاماساڭىز، ءسىزدى ەشكىمدە ويلامايدى. ىشكىلىككە سالىنعان ادامنىڭ ويلاۋ جۇيەسى دە، پسيحولوگياسى دا باسقاشا بولادى. سونى كورىپ وسكەن بالالارىڭىز كەيىن جاسىق، تۇيىق، ومىرگە دەگەن وكپە رەنىشى كوپ بولادى.
ءسىز سوندا ىشكىلىككە سالىنعان اكەسىمەن بالاڭىزدى ويلاپ بىرگە تۇرا الامىن دەپ ويلايسىز با؟ بۇل قاتە وي. قايتا ءسىز بالاڭىزعا دۇرىس تاربيەلەۋدى ويلاڭىز.
ىشكىلىككە سالىنعان اكەسىن كىم جاقتىرادى دەپ ويلايسىز. ءومىر مۇنىسىمەن توقتاپ قالعان جوق.
ءوزىڭىزدى سىيلاماساڭىز، قۇرمەتتەمەسەڭىز، ءسىزدى ەشكىمدە سىيلامايدى.
ءسىزدىڭ دە بۇل ومىردە باقىتتى بولۋعا قۇقىڭىز بار.
باقىتتىڭ كىلتى ءوز جۇرەگىڭىزدە.
دەگەنمەن، ءسىزدىڭ وتباسىن بۇزىپ، بالانى اكەسىز ءوسىر دەگەن كەڭەس ەمەس بۇل. بەلگىلى ءبىر شەشىم شىعارۋ ءۇشىن، ونى ەكشەپ-تەكشەپ العان ءجون. سول سەبەپتى، ىشكىلىككە اۋەستىگىن قويدىرىپ، جاپ-جاقسى وتباسى بولىپ وتىرعاندار دا بار. بويدى دا، ويدى دا تۇزەپ، العا قاراي جىلجۋ ءوز قولىمىزدا ەكەنىن ۇمىتپاساق بولعانى.
دەرەككوزى: Anabol.kz
