دانيار ەلەۋسىنوۆتىڭ كاسىپقوي بوكستاعى العاشقى جەكپە- جەگىنىڭ قاشان وتەتىنى بەلگىلى بولدى

 بۇل تۋرالى استانادا وتكەن باسپا ءسوز ءماسليحاتىندا بوكسشى كەلىسىمگە كەلگەن Boxing Star LLC مەنەدجەرلىك كومپانياسىنىڭ وكىلى زيا اليەۆ ءمالىم ەتتى، دەپ حابارلايدى «قازاقپارات» ح ا ا ءتىلشىسى.

«دانيار ەلەۋسىنوۆ كاسىپقوي بوكستاعى العاشقى كەزدەسۋىن نيۋ- يوركتا 28 - ءساۋىر كۇنى وتكىزەدى. ول بوكس كەشىنىڭ ەڭ باستى كەزدەسۋىندە دەنيەەل دجەيكوبس شىعۋى كەرەك. ال دانياردىڭ ەكىنشى كەزدەسۋىن 2 ماۋسىم كۇنى لوندوندا وتكىزۋ جوسپارلانعان»، - دەدى زيا اليەۆ.

ەلەۋسىنوۆتىڭ 28 ساۋىردە وتەتىن كەزدەسۋدە كىممەن شىعاتىنى ءالى بەلگىسىز.

ەسكە سالا كەتسەك، بۇگىن ريو وليمپياداسىنىڭ چەمپيونى دانيار ەلەۋسىنوۆتىڭ بۇگىن پرومۋتەرى بەلگىلى بولدى. بوكسشىمىزدىڭ پروموۋتەرى بريتاندىق ەددي حيرن. ەددي حيرن سۋپەر اۋىر سالماقتا WBA Super، IBF جانە IBO نۇسقاسى بويىنشا الەم چەمپيونى ەنتوني دجوشۋانىڭ (20-0, 20 ك و)، جەڭىل سالماقتاعى WBA Super جانە IBF چەمپيونى رايان بارنەت (18-0, 9 ك و)، جارتىلاي ورتا سالماقتاعى IBF نۇسقاسى بويىنشا بۇرىنعى الەم چەمپيونى كەل برۋك (37-2, 26 ك و) پەن ورتا سالماقتاعى WBA نۇسقاسى بويىنشا بۇرىنعى چەمپيونى دەنيەل دجەيكوبستىڭ (33-2, 29 ك و) پروموۋتەرى بولىپ تابىلادى.

فوتو: vk.com/daniyaryeleussinov

اۆتور: ايان بەكەن ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى