قازاقستانعا وليمپيادانىڭ التىن مەدالى قايتارىلۋى مۇمكىن - مينيستر مۇحامەدي ۇلى
دەپ حابارلايدى قازاقپارات ءتىلشىسى.
«قازىرگى كەزدە حالىقارالىق وليمپيادا كوميتەتى ليەۆيت پەن تيشەنكونىڭ جەكپە- جەگىن قايتا قاراپ جاتىر. ءبارىڭىز ول جەكپە- جەكتى كوردىڭىزدەر. ارينە، وسى جولى ءادىل شەشىم شىعارىلسا، قازاقستاندا سول وليمپيادانىڭ ءتورتىنشى التىنى بولادى»، - دەپ اتاپ كورسەتتى ارىستانبەك مۇحامەدي ۇلى بۇگىن كەڭەيتىلگەن القا ماجىلىسىندە.
ايتا كەتەيىك، 2016 -جىلى برازيليانىڭ ريو- دە- جانەيرو قالاسىندا وتكەن وليمپيادا ويىندارى كەزىندە قازاقستاندىق بوكسشى ۆاسيليي ليەۆيت رەسەيلىك ەۆگەنيي تيشەنكومەن جۇدىرىقتاسقان بولاتىن. ول جەكپە- جەكتە تورەشىلەر جەڭىستى كورشى ەلدىڭ سپورتشىسىنا بەردى. الايدا جانكۇيرلەر ونداي شەشىممەن كەلىسكەن جوق. بوكسشىلاردى ماراپاتتاۋ ءراسىمى كەزىندە جانكۇيەرلەر ءوز نارازىلىعىن ءبىلدىرىپ، رەسەيلىك بوكسشىنى قولدامادى. ال ۆاسيلي ليەۆيت تۇعىرعا كوتەرىلگەندە وعان قول شاپالاقتاپ، التىن مەدال العان سپورتشى سياقتى قۇرمەت جاسادى.
اۆتور: ارمان اسقاروۆ
