قاتتى جەل: استانا قالاسىنىڭ توتەنشە جاعدايلار دەپارتامەنتى دابىلدى ەسكەرتۋ جاريالادى

استانا قالاسى توتەنشە جاعدايلار دەپارتامەنتى «قازگيدرومەت» ر م م مالىمەتىنە سۇيەنە وتىرىپ، 6 - ناۋرىزدا استانا قالاسىندا اۋا رايى تەمپەراتۋراسىنىڭ تومەندەۋىنە بايلانىستى كۇندىز جاۋىن- شاشىن (جاڭبىر، قار) ، كوكتايعاق بولاتىنىن حابارلايدى.

وڭتۇستىك- شىعىستان سوققان جەل وڭتۇستىك- باتىسقا اۋىسادى. جەلدىڭ كۇشى 9-14 م/س، تاڭەرتەڭ جانە كۇندىز 15-20, ەكپىنى 23-28 م/س بولۋى مۇمكىن. تۇندە اۋا تەمپەراتۋراسى 4-6 س اياز، كۇندىز -3 -5 س جىلى بولادى.

وسىعان بايلانىستى قۇتقارۋشىلار كۇشەيتىلگەن تارتىپتە قىزمەت اتقارادى.

قالا تۇرعىندارى مەن قوناقتارىنىڭ نازارىنا ۇسىنىلادى:

- مۇقيات بولىڭىز، اۋا رايىنىڭ وزگەرۋى تۋرالى اقپاراتتى جانە ەنگىزىلگەن شەكتەۋلەردى ءجىتى قاداعالاڭىز؛

- جەلدىڭ كۇشەيۋى كەزىندە عيماراتتان شىقپاۋعا تىرىسىڭىز؛

- بالالاردى ەرەكشە باقىلاۋعا الىڭىز جانە قاراۋسىز قالدىرماڭىز؛

- كوشەدە باعانداردان، اعاشتاردان، جارنامالاردان، ە ج ج جانە سىمداردان الىس جۇرۋگە تىرىسىڭىز. ەگەر قاتتى جەلدە ءسىز كوشەدە قالىپ قويساڭىز، عيماراتتاردىڭ كىرەبەرىسىن جانە جەر استى وتپە جولىن پانالاڭىز؛

- جەكە اۆتوكولىگىڭىزدى اعاشتار مەن ەسكى قۇرىلىستاردان الىس قويىڭىز.

- بالكونىڭىزعا تەكسەرۋ جۇرگىزىڭىز. بالكون قابىرعاسىنا جىپپەن بايلاۋ ارقىلى بارلىق جەڭىل جانە كولەمدى زاتتى بەكىتىڭىز نەمەسە بولمەڭىزگە كىرگىزىڭىز. اينەكتى بارىنشا سىنۋدان قورعاڭىز جانە تەرەزە جاقتاۋلارىن بەكىتىڭىز؛

- جىلىتۋ پەشتەرى مەن تۇرمىستىق جىلىتۋ قۇرىلعىلارىن قولدانۋ كەزىندە ءورت قاۋىپسىزدىگى ەرەجەلەرىن ساقتاڭىزدار.

توتەنشە جاعداي تۋىنداعان جاعدايدا «112» نومىرىنە قوڭىراۋ شالىڭىز!

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى