باستامانىڭ ءارقايسىسى ميلليونداعان ادامنىڭ مۇددەسىمەن ۇندەس - ەرلان قارين

 ونىڭ اتاپ وتۋىنشە، بۇگىن نۇرسۇلتان نازاربايەۆ جاڭا كۇن ءتارتىبىن بەلگىلەدى جانە ونى پارلامەنتتىڭ بىرلەسكەن وتىرىسى قارساڭىنداعى قاۋەسەتتەردى جوققا شىعارىپ جۇرت كۇتكەن جايتتان مۇلدەم بولەك وزىندىك ستيلدە جۇزەگە اسىردى.

 «پرەزيدەنت ءسوزىنىڭ باستى ادرەساتى شەنەۋنىكتەر ەمەس، ەڭ ءبىرىنشى كەزەكتە قاراپايىم ازاماتتار بولدى. سوندىقتان دا بۇگىنگى پرەزيدەنتتىك 5 الەۋمەتتىك باستاما ءوزىنىڭ ءپىشىنى، سونىمەن قاتار ءوزىنىڭ مازمۇنى جاعىنان دا ءىس جۇزىندە كەزەكتى جولداۋ. ەگەر قاڭتاردا پرەزيدەنت ەكونوميكالىق كۇنتارتىبىن قالىپتاستىرسا، ال بۇگىن مەملەكەت باسشىسى الەۋمەتتىك بلوگتى جۇيەلى جاڭارتۋ بويىنشا بايىتىلعان باعدارلاما ۇسىندى. بۇل قاراپايىم عانا تاكتيكالىق باستاما ەمەس، بايىپتى ءارى اۋقىمدى باعدارلاما. بەس باستامانىڭ ءارقايسىسى بىرنەشە ميلليونداعان ادامنىڭ مۇددەسىنە قاتىستى. جيىنتىعىندا كەمىندە حالىقتىڭ جارتىسى پرەزيدەنتتىك الەۋمەتتىك باعدارلامامەن قامتىلاتىن بولادى. سوندىقتان دا پرەزيدەنتى تىكەلەي ەفيردە جانە پارلامەنتتىڭ بىرلەسكەن وتىرىسى الاڭىندا ءسوز سويلەدى»، - دەدى ەرلان قارين.

ونىڭ ايتۋىنشا، گەوساياساتتىڭ ءاربىر باعىتىندا پرەزيدەنت باستى شامشىراقتى بەلگىلەپ بەردى. بۇل يدەولوگيالىق بلوگتا «رۋحاني جاڭعىرۋ» بولسا، ەكونوميكادا - سيفرلاندىرۋ باعدارلاماسى. ال ساياسي بلوگ وتكەن جىلى كونستيتۋتسيالىق رەفورمالار ارقىلى انىقتالعان بولاتىن.

«ەندى مىنە مەملەكەت باسشىسى الەۋمەتتىك بلوك ءۇشىن جاڭا كوكجيەكتى انىقتادى»، - دەدى ول.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى