ستۋدەنتتىك جاتاقحانا سالۋ جۇمىستارى بيىل باستالادى

 ونىڭ سوزىنە قاراعاندا، ستۋدەنتتەرگە جاتاقحانا سالۋ ءىسىن جەرگىلىكتى اكىمدىكتەر، جوعارى وقۋ ورىندارى، جەكە كومپانيالار بىرلەسىپ شەشەدى. ءبىراق، جەكە كومپانيالار جاتاقحانانى سالعاننان كەيىن ولاردىڭ جۇمساعان قاراجاتىن قايتارىپ بەرۋ تەتىگى ازىرلەنۋى ءتيىس. بۇل تەتىكتى الداعى ۋاقىتتا ۇكىمەت دايىندايتىن بولادى.

 «جوعارى وقۋ ورنى جاتاقحانا سالاتىن بولسا، وندا مەملەكەت بەلگىلى ءبىر ۋاقىتتىڭ ىشىندە وعان جۇمسالعان قاراجاتتى قايتارىپ بەرەدى. اتالعان قاراجات رەسپۋبليكالىق بيۋدجەتتەن قاراستىرىلاتىن بولادى. بۇل جۇمىستاردى بيىل باستاۋعا بولادى. 5 جىلدىڭ ىشىندە 75 مىڭ ورىندىق جاتاقحانا سالۋىمىز كەرەك. جوسپارىن جاساپ ۇكىمەت قاراۋىنا ەنگىزەتىن بولامىز»، - دەدى مينيستر.

سونىمەن قاتار ول پرەزيدەنت ءبىلىم گرانتتارىن 20 مىڭعا ارتتىرۋ تۋرالى تاپسىرما بەرگەنىن اتاپ ءوتتى.

«وتە قۋانىشتىمىز. ونىڭ 11 مىڭى تەحنيكالىق ماماندىقتارعا بەرىلەدى. ونىڭ ىشىندە باكالاۆرياتۋرا، ماگيستراتۋرا، دوكتورانتۋرا دا بولادى. ءبارىن قاراستىرامىز، جوبا رەتىندە ۇكىمەت وتىرىسىنا ەنگىزەتىن بولامىز»، - دەدى ەرلان ساعاديەۆ.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى