جەتى پايىزدىق يپوتەكالىق نەسيە قاشاننان باستاپ بەرىلەدى

 «ەلباسىمىزدىڭ بۇگىنگى باستاماسىندا حالىققا جەڭىلدەتىلگەن نەسيە بەرۋ ماسەلەسى تولىق شەشىمىن تاۋىپ وتىر. ەندى ءبىز پرەزيدەنت باستامالارىن جاڭا زاڭدار، جاڭا نورماتيۆتىك- قۇقىقتىق اكتىلەر قابىلداۋ ارقىلى ساپالى تۇردە جۇزەگە اسىرۋىمىز قاجەت»، - دەدى دەپۋتات.

 ونىڭ ايتۋىنشا، «7-20-25» باعدارلاماسى ارقىلى حالىق 25 جىلعا 7 پايىزبەن نەسيە الۋعا قول جەتكىزەدى.

«نەسيەنى ەكىنشى دەڭگەيلى بانكتەر ارقىلى دا الۋعا مۇمكىندىك تۋىندايدى. قازىرگى ۋاقىتتا تۇرعىنۇي قۇرىلىس جيناق بانكى ارقىلى عانا نەسيە بەرىلىپ جاتىر. ال بۇل بانكتىڭ بارلىق وڭىردە بولىمشەلەرى جوق. سوندىقتان حالىققا قاي بانك ىڭعايلى بولسا سودان جەڭىلدەتىلگەن نەسيە بەرۋ قولعا الىنادى. ياعني، قازاقستاننىڭ بارلىق بانكتەرى وسى باعدارلاما اياسىندا جەڭىلدەتىلگەن يپوتەكالىق نەسيە بەرۋ مۇمكىندىگىن يە بولادى. ەلباسىنىڭ وسى باستامالارىن زاڭمەن قامتاماسىز ەتىپ، بيۋدجەت ناقتىلانعاننان كەيىن جەڭىلدەتىلگەن نەسيە بەرۋ باستالادى دەپ ويلايمىن. مەنىڭشە، وسى جىلدان باستاپ حالىق جەڭىلدەتىلگەن نەسيە الىپ قالۋى ىقتيمال. ويتكەنى، رەسپۋبليكالىق بيۋدجەت ناقتىلانعان كەزدە ەلباسىنىڭ وسى باستامالارىن جۇزەگە اسىرۋعا ارنالعان قاراجاتتار قاراستىرىلادى»، - دەدى نۇرتاي سابيليانوۆ.

دەپۋتاتتىڭ پايىمىنشا، جاڭا باعدارلامانىڭ جۇزەگە اسىرىلۋى تۇرعىن ۇيلەردىڭ قىمباتتاۋىنا تۇرتكى بولمايدى.

«قازىرگى ۋاقىتتا ۇيلەردىڭ باعاسى ءبىرقالىپتى، تۇراقتى. قايتا تۇرعىن ءۇي سالۋ ارقىلى بىزدە شاعىن جانە بيزنەس دامىپ، جاڭا جۇمىس ورىندارى اشىلاتىن بولادى»، - دەدى ول.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى