استانادا بالالاردى مەكتەپكە تاسىمالدايتىن ارنايى كولىكتەر پايدا بولدى

 كومپانيانىڭ مالىمدەۋىنشە، اتالعان جوبانى جۇزەگە اسىرۋ ارقىلى مەكتەپ تاسىمالىنداعى ءبىرىڭعاي ستاندارتتىڭ بولماۋى، وقۋشىلاردىڭ قوعامدىق كولىكتە كەلەڭسىز وقيعالارعا ۇشىراۋى، تاڭعى ۋاقىتتا كەپتەلىستىڭ تۋىنداۋى سىندى ءبىرقاتار ماسەلەنى شەشۋگە بولادى.

«بالالارىن مەكتەپكە جەتكىزەتىن اتا- انالاردىڭ كوپشىلىگىندە جەكە اۆتوكولىك بار. بۇل ورايدا، مەكتەپ تاسىمالىن ەنگىزۋ تاڭعى ۋاقىتتاعى كولىك كەپتەلىسىن ازايتۋعا سەپتىگىن تيگىزەدى. جوبانى پيلوتتىق رەجىمدە ىسكە قوسۋ ءۇشىن قالاداعى كولىك كوپ جۇرەتىن كوشەلەردە ورنالاسقان ەكى مەكتەپ تاڭدالىپ الىندى. ولار - قابانباي باتىر كوشەسىندەگى №17 جانە تۇركىستان كوشەسىندەگى №66 مەكتەپتەر»، - دەلىنگەن Astana LRT حابارلاماسىندا.

 مەكتەپ وقۋشىلارىن تاسىمالداۋعا قاۋىپسىزدىكتىڭ بارلىق تالاپتارىنا ساي كەلەتىن جاڭا ىڭعايلى اۆتوبۋستار - 17 جولاۋشىعا ارنالعان Iveco Daily جانە 58 ورىندىق Iveco Crossway قولدانىلادى.

 جوباعا سايكەس، قالانىڭ بىرنەشە بولىگىندە بالالاردى جينايتىن پۋنكتىلەر بەلگىلەنەدى. وقۋشىنى شىعارىپ سالۋشى بالانى كولىككە اكەلىپ، قاۋىپسىزدىك بەلبەۋىن تاعۋى ءتيىس. كولىك بالالاردى مەكتەپكە دەيىن جەتكىزەدى جانە جينالۋ پۋنكتىنە دەيىن قايتا اكەلەدى. اتا- انالار اۆتوبۋستى AstraBus موبيلدى قوسىمشاسى ارقىلى باقىلاي الادى.

كومپانيا قالاداعى 11 مەكتەپتىڭ اتا- انالارى اراسىندا ساۋالناما جۇرگىزگەن جانە 1 بالا ءۇشىن 1 ايعا -  20000  ت گ (5 وقۋ كۇنى ءۇشىن)، 23500  ت گ (6 وقۋ كۇنى ءۇشىن) تاريفىن ەنگىزگەن. تولەم جاساۋ مەن تەكسەرۋ بالانىڭ كولىكتىك كارتاسى ارقىلى جۇرگىزىلەدى.

كولىكتىك كارتانى «گراند استانا» ت ك، «ەۋرازيا» س ءۇ، «جەڭىس» س ءۇ، تولەم جۇيەلەرى دەپارتامەنتى (قاجىمۇقان، 14)، «استانا-1» تەمىر جول ۆوكزالىنداعى جانە استانالىق سيركتەگى ارنايى كاسسالار ارقىلى تولتىرۋعا بولادى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى