قىزىقتى دەرەكتەر: جىلدىڭ ءار مەزگىلىندە تۋعان بالا ءارتۇرلى بولادى
سول مەزگىلدىڭ ەرەكشەلىگىنىڭ بالاعا اسەر ەتەتىندىگىن ەسكەرەتىن بولساق، ايەل ادام بەلگىلى ءبىر مىنەز- قۇلىق قاسيەتتەرى ۇقسايتىن كەزەڭدى تاڭداۋىنا ابدەن بولادى.
كوكتەم
كوكتەمدە تۋعان بالالار وتە جوعارى سەزىمتالدىققا يە، وكپەلەگىش جانە وسال كەلەدى. بۇل مەزگىلدە تۋىلعان ادامدار - ەرەكشە مانساپ يەلەرى. اقىلى جاعىنان گۋمانيتارلار. بالا كەزدەن ونەر مەن مادەنيەتكە جاقسى قابىلەت تانىتادى، ءدال وسى باعىتتاردا وزدەرىن تاماشا كورسەتە الادى. كوپتەگەن جاعدايدا مانساپتاعى جولىنىڭ بولماۋىنا ىسىندەگى، بولماسا جەكە ومىرىندەگى قاتەلىكتەر مەن ءمۇلت كەتۋلەر نەگىزىندە تۋىنداعان دەپرەسسيالار، قيىندىقتار سەبەپ بولادى.
كوكتەمدە تۋىلعان بالالاردىڭ اتا-انالارىنا بالاعا قانداي جاعداي بولماسىن، قىسىم كورسەتپەۋگە كەڭەس بەرىلەدى. دارۋمەندەردىڭ تاپشى كەزىندە تۋعان بالالار شاش، تەرى، تىرناق جانە ءتىس پروبلەمالارىنا كوپتەپ كەزىگەدى. ولاردىڭ يممۋنيتەتىن ۇنەمى پايدالى تاعامدارمەن نىعايتىپ وتىرۋ قاجەت.
جاز
جاز مەزگىلىندە تۋعان بالالار دا وسال كەلەدى، ءبىراق كوپ الدىنا شىعۋعا بەيىم بولادى. ولار ەشقانداي پايدا كوزدەمەي، ماڭايىنداعى ادامدارعا ءومىر بويى كومەكتەسۋگە تىرىسىپ جۇرەدى. ولاردىڭ جومارتتىعىندا شەك بولمايدى. جازدا تۋعان قىز بالالار وزدەرىن قۇربان قىلۋعا، تاۋەكەلگە بارۋعا دايىن كەلەدى. بوي جەتە كەلە، وزگەگە جاردەمدەسۋ ءۇشىن جەكە باسىنىڭ باقىتىنان دا باس تارتۋعا دايىن بولاتىندارى بار. ەر بالالار ەسەيە كەلە كوپشىلىك الدىندا ءسوز سويلەۋگە، تانىمالدىلىققا تالپىنادى.
جازدا تۋعان بالالار كۇندە قايتالاناتىن جۇمىستاردى ۇناتپايدى، سوندىقتان ولاردان كوبىنە عالىم، ساياحاتشى نەمەسە ءىزاشارلار شىعادى. مۇنداي ادامداردىڭ دەنساۋلىعى ءبىر قالىپتى بولادى.
كۇز
كۇزدە تۋعان بالالاردى وسى مەزگىلمەن تاماشا سالىستىرۋعا بولادى. ولار رۋحاني جان دۇنيەسى كەڭ، جىگەرلى كەلەدى. بۇل مەرزىمدە تۋعان ادامدار - ءوز ورتاسىنىڭ گۇلى، قالجىڭداي بىلەتىن، العا سەنىممەن قارايتىندار. تۋىنداعان جانجالداردى جەڭىل شەشەدى، ال ولاردىڭ جاسايتىن قايىرىمدىلىقتارىنا قىزىعۋعا بولادى.
الايدا، جەكە جانجالدار تۋىنداعان كەزدە بۇل ادامدار وكپەلەگىش كەلەدى، قوبالجۋلارى ۇزاققا سوزىلادى جانە تاتۋلاسۋعا ەرەكشە كوڭىل بولەدى. بۇل كەز بالالارىنىڭ دەنساۋلىعىندا كوبىنە سۋىق تيۋ مەن جاراقاتتانۋ كىناراتتارى كوپتەپ تۋىندايدى. بۇل كوپ جاعدايدا بالالاردىڭ ءبىرىنشى بولىپ مۇزدىڭ بەرىكتىگى مەن اعاشتىڭ بيىكتىگىن تەكسەرەتىندىگىمەن تىكەلەي بايلانىستى. ولار ءاردايىم ءبىرىنشى بولىپ ءوز باسىنان وتكەرۋگە دايىن تۇرادى، سول سەبەپتى اتا- اناعا العاشقى جاردەم كورسەتۋ ءۇشىن ءدارى- دارمەكتەرىن وڭايعا ساقتاۋعا كەڭەس بەرىلەدى.
قىس
قىس مەزگىلىندە تۋىلعان بالالار كۇشتى رۋح پەن دەنساۋلىققا يە. بۇعان تەك قانا اللەرگياعا كوپ ۇشىرايتىن اقپاندا تۋعان بالالاردى جاتقىزا المايمىز. ءوزىنىڭ تۋىلعان كۇنىن قىس مەزگىلىندە اتاپ وتەتىندەر باتىلدىق جانە تاباندىلىقپەن ەرەكشەلەنەدى. الايدا ولار وزدەرىنىڭ ىشكى سەزىمدەرىن ۇنەمى باقىلاپ وتىرۋى ءتيىس، ويتكەنى شامادان تىس بىربەتكەيلىك نەمقۇرايلىلىققا جول اشادى. مۇنداي ادامدار پاراساتتى جانە قوعام الدىندا اشىق كەلەدى.
قىستا تۋعان بالالار ماتەماتيكا جاعىنا بەيىم بولادى، ناقتى عىلىمداردى زەرتتەۋگە تالپىنادى. مۇنداي بالالار وتە ۇقىپتى كەلەدى جانە بىرەۋدىڭ ۋاعدالاسقان ۋاقىتىنان كەشىككەنىن ۇناتپايدى. قىس مەرزىمىندە تۋعان بالالارعا شىعارماشىلىق ماماندىقتار دا بوتەن ەمەس، ءبىراق ولار كوبىنە ەسەپشى، زاڭگەر، ەكونوميست ماماندىقتارىن يگەرەدى.
دەرەككوز: http://www.vospitaj.com
