اقتاۋدا تەگىن زاتتار دۇكەنى اشىلادى

ەرىكتىلەر ءقازىر ازىق- تۇلىك پەن تۇرمىسقا قاجەتتى كەرەك-جاراقتىڭ جينالىپ جاتقانىن حابارلايدى. اسىرەسە، بالالارعا ارنالعان كيىم-كەشەكتەر، كىلەمدەر مەن توسەنىشتەر كەرەك.

ايماقتاعى 70 وتباسى دۇكەنگە كەلىپ، كومەكتىڭ كورسەتىلۋىنە الدىن- الا ءوتىنىش بىلدىرگەن.

«ءبىز ادامبىز، ءبىر بىرگەمىز» قوعامدىق قورىنىڭ باسشىسى، جوبا جەتەكشىسى يمانعازى دوسمۇحانبەتوۆتىڭ ايتۋىنشا، دۇكەنگە ءبىرىنشى رەت كەلگەندەردىڭ بارلىعىنا بىردەي جاردەم كورسەتىلەدى. ال كومەكتى تۇراقتى قاجەت ەتەتىندەردىڭ تۇرمىستىق جاعدايى الدىمەن تەكسەرىلەدى.

«ءبىز ەرىكتىلەر توبىمەن ءار وتباسىعا بارىپ، جاعدايلارىن قاراپ، تەكسەرىپ جاتىرمىز. ءتىپتى، بالالارىن اسىراۋعا شاماسى بولماعان جانۇيالاردى كەزدەستىردىك. ولاردى وڭالتۋ ورتالىعىنا اپاردىق. ءبىز ۇلتقا، دىنگە قاراپ بولمەيمىز. باستىسى - كومەك كورسەتۋ. مۇنداي ساۋاپتى ءىس كەز كەلگەننىڭ كوڭىلىنە قۋانىش سىيلايدى. اقتاۋلىقتارعا ريزامىن. قاجەتتى زاتتاردى جيناۋدا. جىل سايىن مۇقتاج وتباسىلاردى ءوزىمىز ىزدەپ كومەك كورسەتۋشى ەدىك، ەندى بۇل باستاما بارلىعىن قامتۋعا تاپتىرمايتىن مۇمكىندىك. شاراعا اتسالىسامىن دەگەندەرگە ەسىگىمىز ءاردايىم اشىق»، - دەيدى ول.

دۇكەن 8- ناۋرىز كۇنى اشىلادى دەپ كۇتىلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى