استانادا ادىلەت دەپارتامەنتىنىڭ شەنەۋنىكتەرى تۇتقىندالدى

بۇل تۋرالى ەلوردا ينفو سايتى ادىلەت مينيسترلىگىنە سىلتەمە جاساپ حابارلادى.

مينيسترلىكتىڭ اقپاراتىنا سايكەس، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ (م ق س ج ق ى ا) قىزمەتكەرلەرى داۋلەتبايەۆ پەن رامازانوۆتى 2018-جىلدىڭ 28- اقپانى كۇنى تۇتقىندادى.

شەنەۋنىكتەر «اتقارۋشىلىق ءوندىرىس بويىنشا ارەستتى الىپ تاستاعانى» ءۇشىن 22 ميلليون تەڭگە سوماسىندا پارا الدى دەپ كۇدىكتەلۋدە.

اتالمىش فاكتى بويىنشا ق ر ق ك- ءنىڭ 366-بابىمەن («الدىن الا ءسوز بايلاسۋ ارقىلى ادامدار توبىمەن پارا الۋ») ءىس قوزعالدى. سوتقا دەيىنگى تەرگەۋ جۇرگىزىلۋدە.

راۋان رامازانوۆ بۇعان دەيىن قۇقىق قورعاۋ ورگاندارى جۇيەسىندە جۇمىس ىستەگەنى بەلگىلى. 2012-2014-جىلدار ارالىعىندا الماتىنىڭ تۇركسىب اۋدانىندا پروكۋرور ورىنباسارى بولدى. كەيىن م ق س ج ق ى ا- ءنىڭ الماتى قالاسى بويىنشا دەپارتامەنتىندە قىزمەت ەتتى. م ق س ج ق ى ا - ءنىڭ جامبىل وبلىسى بويىنشا دەپارتامەنتى باسشىسىنىڭ ورىنباسارى بولدى.

ەركىن داۋلەتبايەۆ تاراز قالالىق مەملەكەتتىك كىرىستەر دەپارتامەنتىندە ءبولىم باسشىسى قىزمەتىن اتقاردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى