الماتىدا ورتالىق ازيا قولونەر شەبەرلەرىنىڭ كورمەسى اشىلدى
الماتىدا ناۋرىزدىڭ 3-4 - كۇندەرى ق ر مەملەكەتتىك ورتالىق مۋزەيى «باقىت» ءسان- قولدانبالى ونەر ورتالىعى مەن بىرلەسىپ قولونەر شەبەرلەرىنىڭ كورمە- جارمەكەڭەسىن ۇيىمداستىرىپ وتىر. كورمە 8 - ناۋرىز حالىقارالىق ايەلدەر مەرەكەسى تاقىرىبىندا ۇيىمداستىرىلعان. شاراعا قازاقستاننىڭ بارلىق وڭىرىنەن جانە قىرعىز ەلى، تاجىكستان، تۇركىمەنستان، وزبەكستان، رەسەي، گرۋزيا، موڭعوليادان 100-دەن استام شەبەر ءوز تۋىندىلارىن الىپ كەلگەن.
«كوكتەمگى مەرەكەنىڭ بەلگىسى - قىزعالداقتار. 8 - ناۋرىز جاقىنداپ قالدى. كوكتەمنىڭ وسى ءبىر شۋاقتى مەرەكەسى ارقىلى ءبىز قىز- كەلىنشەكتەرگە مەيىرىم مەن شاتتىق تارتۋ ەتەمىز»، - دەدى «باقىت» ءسان- قولدانبالى ونەر ورتالىعىنىڭ قىزمەتكەرى كۇنسۇلۋ ءابدىقارىپ.
جارمەڭكەدە كادەسىي، كيىزدەن، جىبەكتەن جاسالعان بۇيىمدار، كىلەمدەر مەن زەرگەرلىك اشەكەيلەر، قىش ىدىستار قويىلعان.
كادەسىيلاردىڭ قۇنى 20 دوللاردان باستالىپ، 1000 دوللارعا دەيىن بار.
اۆتور: الماس مۇقاش ۇلى
