قازاقستاندىق جەلاياق الەم چەمپيوناتىنىڭ جارتىلاي فينالىنا شىقتى

400 مەترگە جۇگىرۋ سايىسىنىڭ العاشقى ىرىكتەۋ سايىسىنا 32 قاتىسۋشى 6 توپقا ءبولىنىپ جۇگىردى. ليتۆين ءتورتىنشى توپتا سىنعا ءتۇستى. ءار توپتان ەكى ۇزدىك جانە ۋاقىت كورسەتكىشتەرى جوعارى تاعى 6 اتلەت جارتىلاي فينالعا جولداما الدى.

وتانداسىمىزدىڭ قارسىلاستارى 2017-جىلعى لوندوندا وتكەن الەم چەمپوناتىنىڭ كۇمىس جۇلدەگەرى مايكل چەرري (ا ق ش)، ريو وليمپياداسىنىڭ قاتىسۋشىسى ۆيتالي بۋترىم (ۋكراينا)، رافال ومەلكو (پولشا)، موحاممەد ناايل (مالديۆ ارالدارى) بولدى.

22 جاستاعى ليتۆين مارە سىزىعىن 47.16 سەكۋندتا ءوز توبىندا ءۇشىنشى بولىپ كەسىپ ءوتىپ، جارتىلاي فينالعا ءوتتى.

الەم چەمپيوناتىنىڭ رەگلامەنتى بويىنشا جارتىلاي فينالعا 18 سپورتشى جولداما الادى. ولاردىڭ اراسىندا جەرلەسىمىز دە بار.

2 ناۋرىز. جەڭىل اتلەتيكادان جابىق كەشەندەگى الەم چەمپيوناتى. بيرمينگەم. 400 مەترگە جۇگىرۋ، ەرلەر. 4-توپ:

1. مايكل چەرري (ا ق ش) - 46.99

2. رافال ومەلكو (پولشا) - 47.13

3. ميحايل ليتۆين (قازاقستان) -47.16.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى