ق ر ەنەرگەتيكا ۆيتسە- ءمينيسترى ۇستالدى

«ەنەرگەتيكا ۆيتسە- ءمينيسترى عاني سادىبەكوۆ «ايماق» ج ش س مەردىگەر ۇيىمىنىڭ باسشىسىمەن قىلمىستىق كەلىسىمدە شۋچينسك- بۋراباي كۋرورتتىق ايماعىنداعى كولدى تازارتۋعا بولىنگەن اسا ءىرى كولەمدەگى بيۋدجەتتىك قاراجاتتى جىمقىرعان»، - دەلىنگەن حابارلامادا.

سونىمەن قاتار، قىلمىس جاساۋعا ەنەرگەتيكا مينيسترلىگىنىڭ دەپارتامەنت باسشىسى ج. نۇربەكوۆ جانە مەردىگەرلەردىڭ وكىلدەرى س. جۇمالينوۆ جانە ب. قادىربەرلين قاتىسقان.

ۇلتتىق بيۋرونىڭ مالىمەتىنشە، سادىبەكوۆ قول قويعان جالعان اكتىلەر بويىنشا ەنەرگەتيكا مينيسترلىگى 2017 -جىلى كولەمى اسا ارتتىرىلعان اتقارىلعان جۇمىستارعا جالپى سوماسى 3,6 ميلليارد تەڭگە تولەنگەن. اتالعان قاراجاتتىڭ 1 ميلليارد تەڭگەسى قولما- قول الىنعان جانە جىمقىرىلعان. ول قاراجات ءتىنتۋ بارىسىندا تابىلىپ، الىنعان.

بۇدان بولەك، 2018 -جىلعا كولدى تازارتۋعا بولىنگەن 1,5 ميلليارد اقشا قاراجاتىنىڭ جىمقىرىلۋى توقتاتىلدى.

 سادىبەكوۆ، نۇربەكوۆ، دۋانبەك، جۇمالينوۆ پەن قادىربەرلين ۇستالعان. قازىرگى ۋاقىتتا سوتقا دەيىنگى تەرگەۋ جۇرگىزىلىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى