قازاقستاندا شوپپەن جازىلعان كىتاپ بار - فوتو
بۇل دۇنيە - رۋحاني ورداداعى ەڭ ەسكى قۇندى جازبالاردىڭ بىرەگەيى. سىرتى ارنايى يلەنگەن قوڭىر ءتۇستى مال تەرىسىمەن قاپتالعان. قۇران اياتتارى شوپپەن جازىلعاندىقتان، ونىڭ جازۋلارى ءالى كۇنگە دەيىن كومەسكى تارتا قويماعان ەكەن.
«ەل اراسىندا بابادان قالعان مۇرالاردى شۇبەرەككە ءتۇيىپ، ساندىق تۇبىندە ساقتاپ وتىرعان كىسىلەر بارشىلىق. ءبىز قور ەندى اشىلعان ۋاقىتتا ارنايى ەكسپەديتسيامەن وبلىستىڭ اۋىل-ايماقتارىن تۇگەل ارالاپ، جەكە تۇلعالاردا ساقتاۋلى دۇنيەلەردى جيناقتادىق. دەگەنمەن، ۋاقىت وتكەن سايىن قولجازبانى قالپىن بۇزباۋ تالاپتارى قيىنداي تۇسەدى. سوندىقتان مۇنداي قۇندىلىعى جوعارى مۇرالاردى ءتيىستى مەكەمەلەرگە ساقتاۋعا بەرگەن دۇرىس. بولماسا، قولجازبالاردىڭ ءبۇلىنۋى، وقىلۋى كۇردەلەنىپ كەتۋى ابدەن مۇمكىن»، - دەيدى كىتاپحانانىڭ نەگىزگى قورلاردى ساقتاۋ ءبولىمىنىڭ باسشىسى گۇلدەرايىم قوسنازاروۆا.
