سەمەيدە وقۋشى قىزعا «قىرىنداعان» مۇعالىمنىڭ باسى داۋعا قالدى

21- اقپان بولعان وقيعا قالا مەكتەپتەرىنىڭ مۇعالىمدەرى توبەسىنەن جاي تۇسىرگەندەي بولدى. قالاداعى 30№  مەكتەپتىڭ جەتىنشى سىنىپ وقۋشىسى وزىنە دەنەشىنىقتىرۋ ءپانىنىڭ مۇعالىمى ەركىنەن تىس ارەكەتكە يتەرمەلەگەنىن ايتىپ، ديرەكتورعا ارىزدانعان. كەيىن قىزدىڭ اتا-اناسى دا قۇقىق قورعاۋ ورگاندارىنا شاعىم تۇسىرەدى.

الايدا ارىپتەستەرى ونىڭ مۇنداي ارەكەتكە بارۋى مۇمكىن ەمەستىگىن ايتىپ، وقيعانىڭ تۇسىنبەۋشىلىك ەكەنىن العا تارتىپ وتىر.

«3 جىلدان بەرى ۇستازدىق جولدا قىزمەت ەتىپ كەلە جاتقان ونىڭ بويىننان ەرسى ارەكەتتەردى بايقاعان ەمەسپىز»، - دەيدى ارىپتەستەرى.

قازىر مۇعالىمگە قاتىستى «جاس بالالاردى ازعىندىق جولعا ءتۇسىرۋ» بابى بويىنشا ءىس قوزعالىپ، تەرگەۋ جۇمىستارى جۇرۋدە. ال داۋ شىققاننان كەيىن مۇعالىم جۇمىستان بوساتىلعان.

«نەگىزى مۇعالىم وقۋشىعا جاماندىق ويلاۋى مۇمكىن ەمەس. ۇستازدىڭ جامان پەيىلى بولماۋى، ال قىز مۇنى تەرىس قابىلداپ قويۋى مۇمكىن. سوندىقتان سوڭى وسىنداي ۇلكەن ماسەلەگە اينالىپ وتىر. قازىر تەرگەۋ ءجۇرىپ جاتىر. كىمدىكى دۇرىس، كىمدىكى بۇرىس ەكەنى ءىس اياقتالعاننان كەيىن ناقتى بەلگىلى بولادى»، - دەدى سەمەي قالالىق ءبىلىم ءبولىمىنىڭ جەتەكشىسى ناتاليا فەسەنكو.

اۆتور: شىنار عالىمبەك قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى