استانادا اباقتىدان قاشقان قىلمىسكەردىڭ اكەسى ۇلىمدى تۇرمەدەگىلەر ۇرىپ-سوققان دەپ وتىر - كەسكىن
ايتۋىنشا، ونىڭ ارەكەتىنە وسى جاعداي سەبەپ بولعان كورىنەدى.
قايىرگەلدى ارعىمبايەۆ بالاسىنىڭ كولونياداعى جازا مەرزىمىنىڭ بىتۋىنە از عانا ۋاقىت قالعاندا، كۇزەتشىلەرمەن توبەلەسىپ، يزولياتورعا تۇسكەنىن ايتادى، دەپ حابارلايدى استانا ارناسى.
«قانشاما ەڭگەزەردەي جىگىتتەر. قولدارىندا ءبىر-ءبىر دۋبينكالارى بار. تۇرا قاشقان، بۇل تۇرا قۋعان. جەتە الماعان، ءجۇزدى كورسەتكەن وعان. نەدەن سەكىرگەن، ودان كەيىن اناۋ كرىشاعا شىقتى. كرىشادان نەگە شىعىپ، ۇستىنەن ءبىراق قارعىعان»، - دەيدى اكەسى قايىرگەلدى ارعىنبايەۆ.
ەراسىل ارعىمبايەۆ 2012 -جىلى بانكوماتتى توناعانى ءۇشىن 5 جىلعا سوتتالعان. كۇزەتشىلەرمەن بولعان ەرەگەستەن سوڭ، ول جازاسىنا تاعى 3 جىل مەرزىم قوسىلعان، - دەيدى اكەسى. ەندى قاشقانى ءۇشىن وعان جانە 3 جىل قوسىلۋى مۇمكىن. قايىرعالى ارعىمبايەۆتىڭ سوزىنشە، ول باۋىرى مەن ۇلىنىڭ اۋىر سىرقاتقا شالدىققاندىقتان، وسىنداي قىلمىسقا بارعان. تۇرمەدەن قاشقان سوڭ ەراسىل قاراعاندى وبلىسىنىداعى اۋىلىنا اتتانعان، الايدا ۇيىنە جەتىپ ۇلگەرمەي قولعا تۇسەدى.
«بالاسىن ساعىنادى عوي. ءبىر ۇل، ءبىر قىزى بار. كيەۆكا جاققا. سول جاققا بارا جاتقاندا احمەت اۋىلىندا ۇستالىنادى. ۇستالعاندا، ەشقانداي قارسىلىق جاسامادى»، - دەيدى اكەسى.
ەراسىل ارعىمبايەۆ وتكەن جەكسەنبىدە كولونيادان قاشقان بولاتىن. كەلەسى كۇنى قۇقىق قورعاۋشىلاردىڭ قولىنا ءتۇستى. ال قىلمىستىق اتقارۋ جۇيەسى كوميتەتىنىڭ وكىلدەرى سوتتالۋشىنىڭ اكەسى بالاسىنا قاتىستى مالىمەتتەردى جازباشا تاپسىرۋىنا بولادى دەپ وتىر. ال سوتتالۋشىنىڭ تۇرمەدەن قاشۋى بويىنشا ەكى قىلمىستىق ءىس قوزعالعان. تەرگەۋ يزولياتورى قىزمەتكەرلەرى دە جازالانۋى مۇمكىن.
