قازاقستاندىق ارنالار شەتەلدىك سەريالداردى ازايتتى

مينيستر ەلباسى قابىلداۋىندا وتاندىق سەريالداردىڭ ساپاسىن ارتتىرۋ قاجەتتىگى ايتىلعانىن ەسكە سالدى.

«وسى اپتانىڭ باسىندا مەملەكەت باسشىسىنىڭ قابىلداۋىندا بولدىم. پرەزيدەنت تەلەارنالارداعى سەريالدىق ونىمدەردىڭ ساپاسىن ارتتىرۋ قاجەتتىگىنە توقتالىپ، ماسس- مەديانىڭ جاستارعا پاتريوتتىق تاربيە بەرۋ ىسىندە ماڭىزدى ءرول اتقاراتىنىن اتاپ ءوتتى. ەلباسىنىڭ تىكەلەي تاپسىرماسى بويىنشا مينيسترلىك تاراپىنان اۋقىمدى جۇمىستار جۇرگىزىلىپ جاتىر»، - دەدى داۋرەن ابايەۆ «نۇر وتان» پارتياسى جانىنداعى «ميراس» رەسپۋبليكالىق كەڭەسىنىڭ وتىرىسىندا.

 ابايەۆتىڭ ايتۋىنشا، 2017 -جىلى وتاندىق ارنالارىمىز شەت ەلدىك سەريالداردىڭ ۋاقىتىن ەكى جارىم مىڭ ساعاتقا قىسقارتقان جانە مينيسترلىكتىڭ تاپسىرىسىمەن 40 وتاندىق سەريال تۇسىرىلگەن.

 ونىڭ ىشىندە «قازاقستان» تەلەارناسى - 15، «حابار» - 13 سەريال، وزگە كوممەرتسيالىق ارنالار - ءارتۇرلى جانر مەن تاقىرىپتىق باعىتتاردى قامتيتىن 12 تەلەحيكايا ازىرلەگەن.

 «وزدەرىڭىز بىلەسىزدەر، 20 - عاسىردىڭ باسىنداعى تاريحي وقيعالاردى قامتيتىن «تار زامان» تولىق مەتراجدى كوركەم فيلمى قازىر ەلىمىزدىڭ كينوتەاترلارىندا كورسەتىلىپ جاتىر. سونىمەن قاتار، 17- عاسىردىڭ باسىنداعى قازاق باتىرلارىنىڭ ءومىرىن باياندايتىن «باتىرلار جولى» سەريالىن كورەرمەن نازارىنا ۇسىنامىز. «استانا» تەلەارناسىنان «اسىل ارمان» اتتى 60 سەريالى مەلودراما جارىققا شىقتى. كورەرمەن جىلى قابىلدادى. «ك ت ك» تەلەارناسى ارنايى جاساق قىزمەتكەرلەرى تۋرالى «كراسنىي ۋروۆەن» شىتىرمان حيكاياسىن ءتۇسىردى. بۇل تىزىمگە «اۋىلداستار»، «31- بولىمشە» سەريالدارىن قوسۋعا بولادى»، - دەپ ءسوزىن تۇيىندەدى مينيستر.

فوتو:koreabizwire.com

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى