استانادا ءۇيدىڭ باعاسى ارزانداپ جاتىر - اكىم

ونىڭ پىكىرىنشە، استانادا باسپانا سالۋشىلار باعانى جىلدان- جىلعا تومەندەتىپ كەلەدى.

 «استانادا باسپانا سالۋشىلار باسەكەلەستىكتى ساقتاپ قالۋدىڭ ورنىنا، جىلدان- جىلعا باعانى ءتۇسىرىپ جاتىر. ءبىز ينفراقۇرىلىمدى جۇرگىزۋ ارقىلى قولداۋ كورسەتىپ، وزىندىك قۇنىن سۋبسيديالاپ وتىرمىز. سوڭعى ءۇش جىلدا جاڭا باسپانانىڭ استانالىق نارىعىنداعى ورتاشا باعاسى 355 مىڭ تەڭگەدەن 325 مىڭ تەڭگەگە، ياعني 10 پايىزعا ارزانداعان. دوللارعا شاققاندا ءتىپتى ەكى ەسەگە تۇسكەن. شارشى مەترى 260-280 مىڭ تەڭگە بولاتىن ۇسىنىستار دا بار»، - دەدى اكىم حالىق الدىندا ەسەپ بەرۋ جيىنىندا.

ونىڭ ايتۋىنشا، جاڭا باسپانانىڭ ارزانداۋىنا قولجەتىمدى نەسيەلىك جانە ارەندالىق باسپانا قۇرىلىسى دا ىقپال ەتكەن. قازىرگى ۋاقىتتا مەملەكەتتىك باسپانانىڭ ءبىر شارشى مەترى 180 مىڭ تەڭگەدەن اسپايدى.

سونىمەن بىرگە، اسەت يسەكەشيەۆ بيىل استانادا 2,36 ميلليون شارشى مەتر باسپانانىڭ قولدانىسقا بەرىلگەنىن، مۇنىڭ رەكوردتى كورسەتكىش ەكەنىن اتاپ ءوتتى.

اۆتور: ايجان سەرىكجان قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى