پاۆلوداردا زاعيپتاردىڭ قازاق ءتىلىن ۇيرەنۋىنە ارنالعان وقۋلىق جارىق كوردى

«انا ءتىلى» ورتالىعىنىڭ ديرەكتورى شولپان كينجيكوۆا اۆتورلىق ەڭبەگىنىڭ اتالمىش ساناتتاعى مۇگەدەكتەر ءۇشىن كوپ كومەك ەكەنىن اتاپ ءوتتى. - بۇل ساناتتاعى مۇمكىندىگى شەكتەۋلى جاندار بارشىلىق، - دەدى شولپان كينجيكوۆا.

- مۇنىڭ بارلىعى ساعاتتاپ كوز الماي وتىراتىن تەحنولوگيالاردىڭ كەسىرىنەن. وسى ماسەلەگە كوز جۇمىپ قاراۋعا بولمايدى. كىتاپ شىعارۋ جونىندە ورتالىعىمىزعا بۇل ساناتتاعى مۇگەدەك توبىنا جاتاتىن سىيلى ادام ءوتىنىش بىلدىرگەن بولاتىن. يدەيا سول جاننان تۋدى دەسە دە بولادى. وزدەرى نيەت ءبىلدىرىپ وتىرعاندىقتان قول قۋسىرىپ قاراپ قالماۋ كەرەك. قوعامنىڭ كومەكتەسىپ جاتقانىن ءبىلىپ، جۇرەكتەرىندە سەنىم ۇيالايدى».

شولپان كينجيكوۆانىڭ ايتۋىنشا، كىتاپ ارنايى برايل قارپىمەن باسىلعان. ىشىندە قازاق ءتىلىن ۇيرەنۋگە ارنالعان ساباقتار بار. وعان قوسا، ماقال-ماتەلدەر، جاڭىلتپاشتار ەنگىزىلگەن. قارجىلاندىرۋ «انا ءتىلى» ورتالىعىنىڭ تاراپىنان جاسالدى.

سونىمەن قاتار بۇل وقۋلىقتىڭ 2018 -جىلى تاعى 50 داناسىن باسىپ شىعارۋ جوسپارلانعان. ناۋرىز ايىنان باستاپ اتالمىش ساناتتاعى مۇگەدەكتەرگە ارنايى كۋرستار ۇيىمداستىرىلىپ، ساباقتار وتكىزىلمەك.

ايتا كەتەلىك، جاڭادان شىققان 12 دانا وقۋلىق تولىعىمەن قولدان باسىلعان. وعان برايل جۇيەسىن مەڭگەرگەن پاۆلودار قالاسىنداعى زاعيپتار مەن كوزدەرى ناشار كورەتىندەرگە ارنالعان ارنايى كىتاپحانانىڭ ەكى مامانى كومەكتەسكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى