مەملەكەتتىك قىزمەتشىلەردىڭ جۇمىسىن باقىلاۋ بىرنەشە باعىتتا جۇرگىزىلەدى

سىبايلاس جەمقورلىققا قارسى دەپارتامەنت ديرەكتورى سالاۋات مۋكسيموۆتىڭ ايتۋىنشا، قوعامدىق باقىلاۋ كارتاسى الەۋمەتتىك جەلىلەر مەن بايلانىس ورتالىعىنىڭ جۇمىسىنا نەگىزدەلەتىن بولادى. «قازىردىڭ وزىندە اگەنتتىككە قاراستى ءاربىر ايماقتىق قۇرىلىم الەۋمەتتىك جەلىلەردە ءوز پاراقشالارىن جۇرگىزىپ كەلەدى. ول - ءبىر. ەكىنشىدەن، قوعامدىق باقىلاۋ «Qamqor» اتتى موبيلدى قوسىمشا ارقىلى جۇرگىزىلەدى. ۇشىنشىدەن، ايماقتاردا ارنايى باقىلاۋ توپتارى بولادى. ولار دا مەملەكەتتىك قىزمەتشىلەردىڭ جۇمىسىن قاداعالايدى»، - دەدى س. مۋكسيموۆ استانادا وتكەن باسپا ءسوز ءماسليحاتىندا.

دەپارتامەنت باسشىسى الەۋمەتتىك جەلىلەردىڭ تيىمدىلىگىن ەرەكشە اتاپ ءوتتى. ماسەلەن، اگەنتتىك باسشىسى اليك شپەكبايەۆ ءوزىنىڭ جەكە پاراقشاسىن اشقاننان بەرى وعان 160 ارىز ءتۇستى. جالپى، وتكەن جىلمەن سالىستىرعاندا حالىق تاراپىنان تۇسەتىن ارىز- شاعىمداردىڭ كولەمى ەكى ەسەگە ارتىپ وتىر.

«الەۋمەتتىك جەلىلەر ارقىلى ءبىز بۇعان دەيىن بىلمەي كەلگەن ءتارتىپ بۇزۋشىلىقتاردى اشىپ، سىبايلاس جەمقورلىق ارەكەتتەرىن ازايتا الامىز. ماسەلەن، قازىرگى كەزدە كەز كەلگەن ايماقتىڭ تۇرعىنى فەيسبۋك، ۆكونتاكتە، ينستراگرام، سونداي- اق ۋاتساپ پەن تەلەگرامم مەسسەندجەرلەرى ارقىلى ءوز ارىزدارىن جىبەرە الادى. «Qamqor» موبيلدى قوسىمشاسىن دا پايدالانىپ، ءتارتىپ بۇزۋدىڭ فوتوسىن جولداۋعا مۇمكىندىك بار»، - دەپ اتاپ كورسەتتى س. مۋكسيموۆ.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى