پولياك ساياحاتشىسى استانا تۋرالى: دۋباي ما دەپ تاڭدانعانىم ەسىمدە

 جيھانكەز جولاي قازاق ەلىنە دە سوعادى. ءارى ساياحاتشىلار بىزدەگى يۋنەسكو مادەني مۇرالارىنىڭ تىزىمىنە ەنگەن 33 نىسانعا ارنايى ات باسىن بۇرۋدى جوسپارلاپ وتىر.

 ساياحتشىنىڭ ۆارشاۆاداعى ءۇيى مۇراجايعا بەرگىسىز. ەۋروپادا پالكيەۆيچتىڭ ەسىمى ەرلىك پەن كوزسىز باتىرلىق سوزدەرىمەن قوسا اتالادى. اتلانتيكانى جەڭىل قايىقپەن ءجۇزىپ ءوتىپ، ساحارا ءشولىن ويسىل قارا تۇيەمەن، ال سارى ايازى ساقىلداعان ياكۋتيانى بۇعىمەن باعىندىرعان ساياحاتشى وسى. ەۋروپادا العاش بولىپ، «تابيعاتتىڭ قۇشاعىندا ءتىرى قالۋ» مەكتەبىن قۇرعان سابازىڭىز دا وسى ادام. ەندى مىنە «ۇلى جىبەك جولى» حالىقارالىق ەكسپەديتسياسىن قولعا الماق. ماقسات - جەتى مەملەكەتتى باسىپ ءوتىپ، 10 مىڭ شاقىرىمدى ءجۇرىپ ءوتۋ، جول بويىنداعى ەلدەردىڭ مادەني بايلانىستارىن بەكەمدەۋ.

سانالى عۇمىرىنىڭ قىرىق جىلىن ەل مەن جەر كەزىپ وتكىزگەن جيھانگەز 30-عا جۋىق جيناق جازىپ ۇلگەرگەن. جاي جيناق ەمەس، عىلىمي نەگىزدەرى بار توم- توم بولىپ قاتتالعان ۇلكەن ەڭبەك. ساياحاتشى قازاقستاننىڭ باس قالاسى جۇرەگىنە جاقىن ەكەندىگىن جاسىرمايدى. ەكسپەديتسيا ارقىلى قازاق جەرىنىڭ كيەلى جەرلەرىن الەمگە ايگىلەۋ مەنىڭ نەگىزى ماقساتىم دەيدى ول.

«10 جىل بۇرىن عانا ەۋروپا ەلدەرى استانانىڭ قايدا ەكەنىن بىلمەيتىن ەدى. قازىر قازاقستاندى ورتالىق ازيانىڭ ەڭ دامىعان ەلى دەپ تانىيدى. مەن بۇل ەلدى 20 جىل بۇرىن كورگەنمىن، جاقىندا كەزەكتى رەت بارعانىمدا ءوز كوزىمە ءوزىم سەنبەدىم. ۇشاقتا وتىرىپ، مىناۋ قاي قالا؟ دۋباي ما دەپ تاڭدانعانىم ەسىمدە»، - دەيدى ساياحاتشى.

پالكيەۆيچتىڭ جەتەكشىلىك ەتۋىمەن «ۇلى جىبەك جولى 2018» حالىقارالىق ەكسپەديسياسى وسى كوكتەمدە ساپارعا شىعادى. قىتايدا باستالىپ، قازاقستان، قىرعىزستان، وزبەكستان، رەسەي، بەلارۋستى ءجۇرىپ ءوتىپ، پولشادا توقتايتىن كەرۋەن كوشى - جەتى مەملەكەتتىڭ جەرىمەن ءجۇرىپ وتپەك. بۇل رەتتە «جىبەك جولىنىڭ» جۇرەگى سانالاتىن قازاقستاندا 12 كۇن بويى ايالداپ، ەلىمىزدىڭ يۋنەسكو مادەني مۇرالارىنىڭ تىزىمىنە ەنگەن نىساندارىن دا ۆيدەوعا ءتۇسىرۋ جوسپاردا بار.

فوتو: 24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى