اقىلداستار القاسى جەرلەۋ ءراسىمى مەن تويدى نەسيەگە جاساۋدى توقتاتۋعا شاقىردى
دەپ حابارلايدى قازاقپارات ءتىلشىسى.
قازاقستاندا عۇلامالار كەڭەسىنىڭ ءرولى كۇشەيتىلمەك قازاقستاندا جاڭا «جومارت جۇرەك» سىيلىعى تاعايىندالادى
القالى جيىنعا وبلىس اكىمىنىڭ ورىنباسارى ۇلاسبەك سادىبەكوۆ پەن وبلىستىق، قالالىق، اۋداندىق ارداگەرلەر كەڭەستەرىنىڭ ءتوراعالارى قاتىستى. سونداي- اق زيالى قاۋىم وكىلدەرى مەن ءدىن سالاسىنىڭ قىزمەتكەرلەرى، توبە بيلەر مەن ۇكىمەتتىك ەمەس ۇيىمداردىڭ وكىلدەرى شاقىرىلدى. باسقوسۋدا ءدىن مەن ءداستۇردىڭ اراسىنا جىك سالىپ جۇرگەن كەيبىر توپتاردىڭ ارەكەتتەرىنە قارسى تۇرۋ جايى ءسوز بولدى.
ماسەلەن، ءوز وتانداستارىنىڭ، باۋىرلارىنىڭ اراسىندا الاۋىزدىق تۋدىرۋ ارقىلى ورتاعا تەرىس اسەر قالىپتاستىرىپ جۇرگەندەردىڭ قوعامعا قاۋىپ ءتوندىرىپ كەلە جاتقانى اڭگىمە ارقاۋىنا اينالدى. ءوز كەزەگىندە وبلىس اكىمىنىڭ ورىنباسارى ۇلت بولىپ قالىپتاسقالى بەرى جيناقتالعان سان عاسىرلىق قۇندىلىقتاردى، ءداستۇرلى ءدىندى كەيبىرەۋلەردىڭ تەرىسكە شىعارۋعا ۇمتىلعانى ورىنسىز ەكەنىن جەتكىزدى.
«قازاق حالقىنىڭ ۇلتتىق ۇعىمىمەن ۇشتاسقان يسلام ءدىنى ەشۋاقىتتا ءداستۇردى تەرىسكە شىعارعان ەمەس. سوندىقتان دا مۇسىلمان قاۋىمىنا جاتاتىن ءاربىر ۇلتتىڭ ۇلت بولىپ قالىپتاسۋىنداعى سالت- داستۇرلەرى مەن ادەت- عۇرىپتارىن دىننەن بولەك، ءدىني نانىم- سەنىمدەرىنەن اجىراتىپ، ءبىرىن ەكىنشىسىنەن وقشاۋلاپ قاراۋ مۇمكىن ەمەس»، - دەدى ۇلاسبەك سادىبەك ۇلى.
سونداي- اق، جيىندا قازاقستان مۇسىلماندارى ءدىني باسقارماسى تاراپىنان ءداستۇرلى ءدىننىڭ قۇندىلىقتارىن حالىق اراسىندا ناسيحاتتاپ، ءدىن مەن ءداستۇر بايلانىسىن نىعايتا ءتۇسۋ جولىندا اتقارىلعان يگى ىستەر ايتىلدى. الايدا، اتالعان ماسەلەنى شەشۋگە بۇل شارۋالار ازدىق ەتەتىنى، ونىمەن قوعام بولىپ كۇرەسۋ كەرەك ەكەنىن ايتتى جينالعاندار.
ماسەلەن، قوعامداعى ءدىني راسىمدەر مەن جورالعىلاردى جۇرگىزۋ بارىسىندا ىسىراپشىلدىققا جول بەرمەۋ، جەرلەۋ راسىمدەرى مەن توي جيىندارعا نەسيە الۋدى توقتاتۋ ماسەلەسى ايتىلدى. زيراتتاردى كۇتىپ ۇستاۋ ماسەلەلەرىمەن زيالى قاۋىم وكىلدەرىنىڭ اينالىسۋى كەرەكتىگى ءسوز بولدى. سونىمەن قاتار قازاقستان مۇسىلماندارى ءدىني باسقارماسى بەكىتكەن «جانازا جانە ءدىني راسىمدەر» كىتابىن كومەكشى قۇرال رەتىندە پايدالانۋ ۇسىنىلدى.
اۆتور: اينۇر اقبايەۆا
