قانات يسلامنىڭ جاڭا مەنەدجەرى چەمپيوندىق جەكپە-جەكتەرگە شىعۋدى كوزدەيدى

«قانات يسلام كورپۋستان قاتتى ۇرادى. بۇل - ەسكى قازاق بوكسىنىڭ ۇتىمدى ءبىر تۇسى. ول - مىقتى بوكسشى. ونىڭ دايىندىعى جوعارى. بالكىم، بۇعان دەيىن وعان لايىقتى قارسىلاس بولمادى. سول سەبەپتى ا ق ش-تىڭ بوكس جانكۇيەرلەرى جانە باسقا ادامدار ونى بايقامادى. قانات تا ءوزىن جان-جاقتى كورسەتە المادى. ءبىز باسقا جولمەن جۇرەمىز، بىردەن چەمپيوندىق جەكپە-جەكتەرگە شىعۋعا تىرىسامىز. العاشقى جەكپە-جەك سونداي بولادى دەپ ايتا المايمىن. دەگەنمەن، ءبىر-ەكى ايقاستان كەيىن تەك چەمپيوندىق تيتۋتالدار ءۇشىن عانا تالاساتىن بولامىز»، - دەيدى ە. كليماس.

ونىڭ ويىنشا، قانات يسلام - الەمدىك دەڭگەيدەگى سپورتشى. سول سەبەپتى ونىڭ قاتىسۋىمەن ۇلكەن بوكس كەشتەرىن ۇيىمداستىرۋعا ابدەن بولادى. ونى قازاقستاننىڭ جانكۇيەرلەرى عانا ەمەس، الەمنىڭ بوكس فاناتتارى دا ۇلكەن قىزىعۋشىلىقپەن كورەدى.

ايتا كەتەيىك، بۇگىن قانات يسلام ءوزىنىڭ ينستاگرام جەلىسىندەگى پاراقشاسى ارقىلى ا ق ش- تىڭ تانىمال مەنەدجەرىمەن كەلىسىمشارتقا وتىرعانىن رەسمي تۇردە جاريالادى.

بۇگىندە ەگيس كليماسپەن ءتورت قازاقستاندىق بوكسشى - ماديار اشكەيەۆ (8-0, 4 ك و)، ساعادات راحمانقۇلوۆ (1-0, 1 ك و)، مەيىرىم نۇرسۇلتانوۆ (5-0, 4 ك و) پەن اسحات ءۋاليحانوۆ (2-1, 2 ك و) جۇمىس ىستەيدى. قانات يسلام جاڭا مەنەدجەرمەن بىرگە چەمپيوندىق جەكپە-جەكتەرگە جەتەتىنىنە سەنىمدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى