قازاقستان قىسقى وليمپيادا ويىندارىنان قازىرگە دەيىن قانشا مەدال ەنشىلەدى

بۇل قازاقستان تاۋەلسىزدىگىن العاننان بەرگى قاتىسىپ وتىرعان جەتىنشى اق وليمپيادا.

سونىمەن، قازاقستاندىق سپورتشىلار سوڭعى پحەنچحانداعى باسەكەنى قوسا العاندا وليمپيادا ويىندارىنان قانشا جۇلدە الدى؟

قىسقى وليمپيادا ويىندارى تاريحىندا قازاقستان ءۇشىن العاشقى مەدالدى قوستانايلىق شاڭعىشى يۆان گارانين جەڭىپ العان بولاتىن. گارانين 1976 -جىلى ينسبرۋك قالاسىندا وتكەن XII وليمپيادا ويىندارىندا ەكى قولا مەدال جەڭىپ الدى. ال 1988 -جىلى كالگاريدە وتكەن XV وليمپيادا جارىستارىندا شاڭعىشىلار ۆلاديمير ساحانوۆ - كۇمىس، ۆلاديمير سميرنوۆ قوس كۇمىس پەن قولا مەدال الدى.

ال 1994 -جىلى وتكەن XVII قىسقى وليمپياداعا قازاقستان العاش رەت تاۋەلسىز مەملەكەت رەتىندە قاتىسىپ، قانجىعاسىنا 1 التىن، 2 كۇمىس مەدال سالعان بولاتىن. بۇل ءۇش مەدالدىڭ ۇشەۋىن دە شاڭعىشى ۆلاديمير سميرنوۆ الىپ بەردى. وسى جۇلدەلەردىڭ ارقاسىندا ەلىمىز جالپى كوماندالىق ەسەپتە 12-ورىنعا تۇراقتادى.

مىنە، سول ۋاقىتتان بەرى قازاقستان سپورتشىلارى قىسقى وليمپيادا ويىندارىنان بىردە-ءبىر التىن جۇلدە الا الماي كەلەدى. بۇل جولعى وليمپيادا ويىندارىندا حالىق شاڭعىشى الەكسەي پولتورانين التىن مەدال الادى دەپ كۇتكەن ەدى. وكىنىشكە قاراي ول ۇزدىك وندىققا دا كىرە المادى.

1998 -جىلى جاپونيانىڭ ناگانو قالاسىندا وتكەن XVІІІ ويىندارعا تاعى دا شاڭعىشى ۆلاديمير سميرنوۆ قاتىسىپ، «قولا» ەنشىلەدى.

سونداي-اق كونكيمەن جۇگىرۋشى ليۋدميلا پروكاشەۆاعا دا قولا مەدال بۇيىردى. وكىنىشكە قاراي، 2002 -جىلى ا ق ش-تىڭ سولت- لەيك- سيتي قالاسىندا وتكەن XІХ- ىنشى جانە 2006 -جىلى يتاليانىڭ تۋرين قالاسىنداعى XХ- ىنشى ويىنداردا وتانداستارىمىزدىڭ ەشبىرى جەڭىس تۇعىرىنان كورىنە العان جوق.

ال 2010 -جىلى كانادانىڭ ۆانكۋۆەر قالاسىندا جالاۋى جەلبىرەگەن ХХІ قىسقى وليمپيادا ويىندارىندا قازاقستاندىق بياتلونشى ەلەنا حرۋستاليەۆا جەكەلەي سىندا كۇمىس مەدالدى جەڭىپ الدى.

2014 -جىلى رەسەيدىڭ سوچي قالاسىندا وتكەن قىسقى ويىنداردا مانەرلەپ سىرعاناۋشى دەنيس تەن قوس باعدارلاما بويىنشا 255,1 ۇپاي جيناپ، قازاقستان قورجىنىنا قولا جۇلدەنى سالدى. الايدا، بيىل دەنيس تەن قىسقا باعدارلامادا ۇزدىكتەر قاتارىنان شىعىپ قالىپ، جارىستى ورتا جولدا اياقتادى.

مىنە، بيىل سوڭعى وليمپيادا ويىندارى وڭتۇستىك كورەيانىڭ پحەنچحان قالاسىندا ءوتتى. قورجىنىمىزعا جالعىز قولا مەدال ءتۇستى. ونى فريستايلدان سىنعا تۇسكەن يۋليا گالىشەۆا جەڭىپ الدى.

قازاقستاننىڭ قىسقى وليمپيادا ويىندارىندا العان مەدالدار سانى:

1994 -جىل

1 التىن، 2 كۇمىس مەدال

1998

2 قولا مەدال

2002 جانە 2006 -جىلدارى جۇلدە بولعان جوق

2010 -جىل

1 كۇمىس مەدال

2014 -جىل

1 قولا مەدال

2018 -جىل

1 قولا مەدال

مىنە، كورىپ وتىرعاندارىڭىزداي قازاقستان قىسقى وليمپيادا ويىندارىنان ۇزىن-سانى 8 مەدال جەڭىپ العان. ونىڭ بىرەۋى التىن، ۇشەۋى كۇمىس، تورتەۋى قولا مەدال.

اۆتور: كۇنسۇلتان وتارباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى