قازاق جازۋشىسىنىڭ نەمەرەسى: قازاقتار بريتاندىقتارعا قاراعاندا شىنشىل

ول بۇرىن الماتى قالاسىندا تۇرعان ەكەن. ايەل قازاقستان مەن ۇلى بريتانيا اراسىنداعى ايىرماشىلىقتار تۋرالى ايتىپ بەردى، دەپ حابارلايدى Stan.kz اقپاراتتىق اگەنتتىگى.

راۋان ماۋلەنوۆا 2010 -جىلى شوتلاندياعا كەتىپتى. ول ومىرىندەگى مۇنداي وزگەرىستى تاعدىرعا بالايدى. ايتۋىنشا، ول كىشكەنتاي كۇنىندە ۇلى بريتانيا تۋىنىڭ سۋرەتىن سالعان ەكەن.

راۋان 2005 -جىلى بريتانيالىق كومپانياعا قىزمەتكە ورنالاسقان. ال 5 جىلدان كەيىن شوتلاندياعا قونىس اۋدارعان. مۇندا الان ەسىمدى ۇلىن ومىرگە اكەلىپ، جالعىز ءوزى تاربيەلەپ وتىر. قازىر ۇلى ءبىرىنشى سىنىپتا وقىپ ءجۇر.

راۋان شەتەلدە جۇرگەن وتانداستارى سياقتى ءوز وتانىن ساعىنادى. ول جىل سايىن قازاقستانعا كەلىپ تۇرادى. مۇندا كەمىندە ءبىر اي دەمالادى ەكەن.

«ءبارى دەمالىسقا كەتكەندە، مەن قازاقستانعا تارتىپ وتىرامىن. بۇعان دا 10 جىل بولدى. مەن ءۇشىن بۇل ۇلكەن دەمالىس. ءوز ەلىمدە قىدىرىپ، ەت جەپ، دەمالىپ، قوناقتا بولامىن»، - دەيدى راۋان ماۋلەنوۆا.

قازاقستان مەن  ۇلى بريتانيا حالقىن سالىستىرعان راۋان، بريتاندىقتاردىڭ ەموتسيونالدى ەمەس ەكەنىن ايتتى. ولار تەك سىرتىنان عانا كۇلىپ، جىميادى. ال جانىن ايقارا اشاتىن، اۋزىن اشسا جۇرەگى كورىنەتىن جاندار وتانىندا قالىپتى. سونداي-اق، ايەل بريتاندىقتاردىڭ ءازىلدى تۇسىنەتىندەرىنە كۇمان كەلتىرەتىنىن دە ايتتى.

قوس مەملەكەتتىڭ وزىندىك ايىرماشىلىقتارى تۋرالى سۇراققا جاۋاپ بەرگەن راۋان ءوزى ءۇشىن ماڭىزى زور 3 ماسەلەنى اتادى. ولار - قورعانىس، ەركىندىك سەزىمدەرى مەن جايلىلىق.

ايتا كەتسەك، راۋان ماۋلەنوۆا جازۋشى سىرباي ماۋلەنوۆتىڭ نەمەرەسى ەكەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى