ايگىلى قازاق انشىلەرىنە پاروديا جاساعان ەركە ەسماحان جۇرتتى تاڭعالدىردى - ۆيدەو

ول تانىمال انشىلەرگە پاروديا جاساعان-دى. الايدا ول شاقتا ەركەنىڭ اتاعى قازىرگىدەي بولماعاندىقتان، جوبا بارىسىندا جۇرت انشىگە اسا نازار اۋدارمادى، دەپ حابارلايدى Stan.kz اقپاراتتىق اگەنتتىگى.

ەسەسىنە بۇگىندە تىڭدارماننىڭ ەركەنىڭ شىعارماشىلىعىنا دەگەن قىزىعۋشىلىعى جوعارى. جۇرت بىرنەشە جىل بۇرىن بولعان جوبا ۆيدەولارىن ەندى قاراپ، ءتۇرلى پىكىرلەرىن بىلدىرۋدە.

«مەن ءسىزدى تانىماي قالدىم. اتىڭىزدى جازعاننان كەيىن دە كۇمانمەن قارادىم، تولىق بولعان ەكەنسىز، دومالاق بەت تە ادەمى جاراسادى ەكەن»، «ەركە جارايسىڭ، مەن قايتا- قايتا كوردىم. قازاقتىڭ ماڭدايىنا بىتكەن قىزسىڭ»، «مۇلدەم وزىنە ۇقسامايدى عوي»، - دەپ تاڭعالىستى جۇرت.

وزگەلەر ەركەگە گريم سالىنعانىن ايتىپ، ءانشىنى اقتاۋمەن بولدى.

ايتپاقشى، جوبادان الىنعان ءۇزىندىنى كۇنى كەشە ءانشىنىڭ ءوزى Instagram پاراقشاسىندا جاريالادى.

ايتا كەتەيىك، ەركە «جۇلدىزدى دودا» شوۋىندا روزا باعلانوۆادان بولەك، ءمادينا ەراليەۆا، گاۋحار الىمبەكوۆا، سالتانات باقايەۆا سىندى ونەر يەلەرىنە پاروديا جاساعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى