قازاقستاندا جاڭا «جومارت جۇرەك» سىيلىعى تاعايىندالادى

«ازاماتتىق جاۋاپكەرشىلىكتى جوعارى قوياتىن قازاقستاندىقتاردى قوعامدىق ىنتالاندىرۋ اسا ماڭىزدى. «رۋحاني جاڭعىرۋ» باعدارلاماسى اياسىندا وڭىرلەر مەن جەرگىلىكتى قاۋىمداستىقتار دامۋىنا ۇلەس قوسقان ازاماتتار كوتەرمەلەنۋگە لايىقتى. سوندىقتان، ازاماتتىق قوعام ىستەرى كوميتەتىنە تۋعان جەرىنىڭ دامۋىنا ءوز ءومىرىن جانە تابىسىنىڭ ءبىر بولىگىن ارناعان ازاماتتاردى ماداقتاۋ ءۇشىن «جومارت جۇرەك» سالتاناتىن ۇيىمداستىرۋدى تاپسىرامىن» ، - دەدى مينيستر نۇرلان ەرمەكبايەۆ.

مينيسترلىك قازىرگى ۋاقىتتا «رۋحاني جاڭعىرۋ» باعدارلاماسى اياسىندا «تۋعان جەر» باعىتى بويىنشا «اتامەكەن» شاعىن باعدارلاماسىن جۇزەگە اسىرۋدا. شاعىن باعدارلاما جەرگىلىكتى قاۋىمداستىقتىڭ وزەكتى ماسەلەلەرىن شەشۋ ءۇشىن ازاماتتاردىڭ، ۇ ە ۇ- دىڭ، ەرىكتىلەردىڭ، مەتسەناتتار مەن بيزنەس- قۇرىلىمداردىڭ جانە مەملەكەتتىك ورگانداردىڭ كۇش- جىگەرىن بىرىكتىرۋگە باعىتتالعان.

شاعىن باعدارلاما شەڭبەرىندە ەكى نەگىزگى باعىت ىسكە اسىرىلادى. ولار: «الەۋمەتتىك باستامالار كارتاسى» جانە «جومارت جۇرەك» جوبالارى. 2017 -جىلى شاعىن باعدارلاما اياسىندا جالپى قۇنى 43 ميلليارد 530 ميلليون تەڭگەنى قۇرايتىن 1197 جوبا اياقتالدى.

«بۇل جوبالار اياسىندا ەلىمىزگە «حالىقتىق» ينۆەستيتسيالار تۇرىندە اۋقىمدى كومەكتەر جاسالدى. ازاماتتار، نەگىزىنەن كاسىپكەرلەر الەۋمەتتىك نىساندار سالۋعا، ولاردى رەكونسترۋكسيالاۋعا جانە قازىرگى زامانعى جابدىقتارمەن قامتاماسىز ەتۋگە قاراجات سالا باستادى» ، - دەپ اتاپ ءوتتى نۇرلان ەرمەكبايەۆ.

Baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى