گەرمانيادا قازاقتىڭ ءداستۇرلى تاعامدارىنان داستارحان جايىلادى

الماتى تۋرالى ستەند قازاقستان پاۆيلونىنىڭ 1/3 بولىگىن الماق.

 Visit Almaty تۋريستىك ورتالىعىنان حابارلاعانداي، قازاقستان ستەندى 3 نەگىزگى كومپونەنتتەن الماتى قالالىق تۋريزم جاە سىرتقى بايلانىس باسقارماسىنىڭ، «Kazakh Tourism» ۇلتتىق كومپانياسىنىڭ، استانا ەكسپو تاقىرىبىنان قۇرالادى.

 كەلۋشىلەر قازاق ەلىنىڭ سالت- ءداستۇرى بويىنشا كيىز ءۇي قۇرىپ، قارا جورعا بيلەپ، سونداي- اق سازسىرنايدا ويناپ، قۇرت ازىرلەۋدى ۇيرەنەتىن بولادى.

سونىمەن قاتار شاراعا قازاقستاننىڭ ءىرى تۋريستىك وپەراتورلارىنىڭ وكىلدەرى قاتىسادى.

«الەمنىڭ كوپتەگەن ەلىندە تۋريزم ەكونوميكانىڭ ماڭىزدى قوزعالتقىش كۇشى بولىپ تابىلادى. تۋريزم يندۋسترياسى الەمدىك ج ءى و 10 پايىزىن قۇرايدى. ال الماتىدا بۇل كورسەتكىش تەك % 1,5 بولىپ وتىر. سوندىقتان، بۇل شاراعا قاتىسۋ ارقىلى الماتى قالاسىنىڭ تۋريستىك الەۋەتىن ارتتىرۋ كوزدەلىپ وتىر. كورمەگە ەتنومادەني مۇرالار قويىلىپ، كومەيمەن ايتىلاتىن ءان، قازاق كۇيى شارىقتاپ، ۇلتتىق اس ءمازىرى، كادەسىيلار ۇسىنىلادى» ، - دەدى باسقارما باسشىسى ەرلان جايلاۋباي.

اۆتور: گۇلميرا ءعوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى