قازاقستاندا قانشا ميلليونەر بار

2015 -جىلى باي ادامدار سانى 6,9 مىڭ ادام بولسا، 2016 -جىلى ولاردىڭ قاتارى 7,5 مىڭ ادامعا ۇلعايدى، دەپ حابارلايدى LS.

Knight Frank مالىمەتىنە سايكەس، 2006 -جىلى قازاقستاندا دوللارلى ميلليونەرلەر سانى 3,4 مىڭ ادامدى قۇراعان. ال، 10 جىلدان كەيىن بۇل كورسەتكىش 6,7 مىڭ ادامعا ارتقان بولسا، 2026 -جىلعا قاراي ولاردىڭ سانى 10,7 مىڭ ادامعا جەتۋى مۇمكىن.

10 ميلليون دوللارعا جۋىق داۋلەتى بار مۋلتيميلليونەرلەر سانى 2006 -جىلى 260 ادام بولاتىن. ال، 2016 -جىلى 520 ادامعا ارتتى. ساراپشىلاردىڭ مالىمەتىنشە، 2026 -جىلى ولاردىڭ سانى 830 ادامعا جەتىپ قالادى.

ءوز كەزەگىندە، 2006 -جىلى قازاقستاندا 30 ميلليون دوللاردان استام ينۆەستيسيالىق اكتيۆتەرگە يە، تازا تابىس دەڭگەيى جوعارى 120 ادام، ال 2016 -جىلى - 230 ادام ءومىر ءسۇردى. 2026 -جىلعا قاراي ولار 370 ادام بولۋى مۇمكىن.

ال، 100 ميلليون دوللاردان استام اكتيۆكە يە قازاقستاندىقتار سانى 15 ادامدى قۇرادى. 2016 -جىلى ولار 29 ادام بولسا، 2026 -جىلى ولاردىڭ قاتارى 46 ادامعا تولىعۋى ىقتيمال.

سونداي-اق، ساراپشىلاردىڭ بولجامىنا سايكەس، باي قازاقستاندىقتاردىڭ سانى 2016 -جىلدان 2026 -جىلعا دەيىنگى ارالىقتا 60 پايىزعا ارتادى.

باي قازاقستاندىقتاردىڭ ەندىگى كەزەكتەگى ترەندى جەكەمەنشىك ۇشاقتارىن ساتىپ الۋى بولىپ وتىر. ماسەلەن، 2006 -جىلى 4 ۇشاق ساتىپ الىنسا، 2016 -جىلى ولاردىڭ سانى 28 گە جەتتى. بارلىعى، سونىمەن، 226 ۇشاق ساتىلدى. الەم بويىنشا ۇشاتىن قۇرىلعىنى ساتۋ جونىنەن قازاقستان العاشقى ۇشتىككە ىلىنگەنىن ايتا كەتكەن ءجون.

islam.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى