ءۇش بىردەي زۇلماتتى كورگەن اقىن مۇقاعالي
اقىننىڭ قارىمدى قالامگەر بولۋىنا ونىڭ بالالىق شاعىنىڭ اسەر ەتكەنىن ايتا كەتۋ كەرەك. سەبەبى 10 جاستاعى بالا مۇقاعاليدىڭ كوز الدىندا ەكىنشى دۇنيەجۇزىلىك سوعىس باستالدى.. . اقىننىڭ پوەزياعا كەلۋى 14-15 جاسىندا قالىپتاستى. سەبەبى ءدال وسىندا شاعىن اقىن بۇكىل قازاق ادەبيەتىنىڭ جانە الەم ادەبيەتىنىڭ كلاسسيكتەرىن وقىپ شىقتى.
1973 -جىلى جازۋشىلار وداعىنىڭ جولداماسىمەن ماسكەۋگە بارىپ ءبىلىم العان اقىن تۋرالى الىپ- قاشپا اڭگىمە كوپ. «مۇقاعالي وقىماعان» ، «تولىققاندى ءبىلىم الماعان» دەيتىن زامانداستارى بار. دەگەنمەن مۇقاعالي ماقاتايەۆ وتە ءبىلىمدى جانە كەز كەلگەن ادامنىڭ قولى جەتە بەرمەيتىن جوعارى وقۋ ورىندارىندا ءدارىس العان.
18 جاسىندا ءوزىنىڭ سۇيگەنى لاشىندى جارى ەتىپ جانىنا سەرىك قىلادى. ارادا ءبىراز ۋاقىت ءوتىپ تۇڭعىشى ءلاززات دۇنيەگە كەلەدى. وكىنىشكە قاراي، ەرتە قايتىس بولعان قىزى اكەسىنىڭ تاعدىرىنا ۇلكەن اسەر ەتەدى. مايگۇلى دۇنيەگە كەلىپ قۋانىشتان بوركىن اسپان اتتىم با دەگەندە، ول دا كولىك اپاتىنان قايتىس بولىپ، اقىن ءۇشىن وتە ۇلكەن سوققى بولادى. ونىڭ قىزدارىنا ارناعان ولەڭدەرى قازاق پوەزياسىنىڭ ىشىندەگى كلاسسيكالىق تۋىندى رەتىندە باعالانادى.
اقىننىڭ ءوزى اۋرۋحاناعا ءتۇسىپ، توسەك تارتىپ جاتقان كەزدە دارىگەرلەر ارقىلى ءومىرىنىڭ سوڭى ۇزاققا بارمايتىنى جايلى شىندىقتى بىلگەن سوڭ، اراسى 12 جىل ىشىندە 8 جىر جيناق جارىققا شىعارىپ ۇلگەرەدى.
Massaget.kz
