قان اينالىمدى جاقسارتاتىن ازىق-تۇلىك
الايدا قاننىڭ اينالۋىن جاقسارتاتىن قادامداردى قولعا الۋ كەرەك. سونىڭ ناتيجەسىندە جۇرەك- قان تامىرلارى جۇيەسىن قورعاي الاسىز. دارىگەرلەر، ادەتتە ەركىن قان اينالىمى ءۇشىن فيزيكالىق جاتتىعۋلار جاساۋدى ۇسىنادى. بۇل كەڭەسكە قۇلاق سالعان ءجون، سەبەبى قوزعالىس - قان اينالىمىن «تارقاتاتىن» ەڭ جىلدام ءادىس. سونىمەن قاتار، كەي ازىق- تۇلىكتەر دە قاننىڭ اينالۋىن جاقسارتادى. ول ونىمدەر قورەكتەندىرگىش ەلەمەنتتەرگە باي بولعاندىقتان، تابيعي جولمەن قاندى سۇيىلتىپ، قان جۇرەتىن جۇيەدە قان ۇيىعىنىڭ ءتۇزىلۋىن كەتىرەدى.
ارقان بالىق (لوسوس) ا
رقان بالىق قۇرامىنداعى ومەگا-3 مايلى قىشقىلى قاننىڭ سۇيىلۋىنا جاعداي جاساپ، ونى ۋاقىتىلى جەۋ قان ۇيىعى ءتۇزىلۋىن كەتىرەدى. ونىڭ اپتاسىنا 2-3 ۇلەسىن جەۋگە تىرىسىڭىز.
سارىمساق
سارىمساق جۇرەك- قان تامىرلارى جۇيەسىن ساۋلىقتا ۇستاۋدا ماڭىزدى ءرول اتقارادى. سونىڭ ىشىندە، قاننىڭ سۇيىلتۋىنا جاعداي جاساپ، ينفاركت پەن ينسۋلت قاۋپىن ازايتادى. سارىمساقتى شيكىلەي جەگەن ءجون.
اشى قىزىل بۇرىش
بۇل اشى دامدەۋىشتىڭ كىشكەنتاي بولىگىنىڭ وزىنەن قانىڭىزدىڭ بۇرقىلداعانىن بىردەن سەزەسىز. قىزىل بۇرىش ازداپ دەنە تەمپەراتۋراسىن كوتەرەدى (سول سەبەپتى ونى جەگەندە تەرلەيسىز) جانە قان جولدارىن كەڭەيتەتىن قۇرال رەتىندە اسەر ەتەدى. تامىرلار كەڭەيتىلگەندە قان ەركىن قوزعالادى. سوندىقتان، ليمون جانە 1 شىم- شىم قىزىل بۇرىش سالىنعان ىستىق سۋدى از- ازدان ىشۋگە تىرىسىپ كورىڭىز.
ءزىمبىر (يمبير)
زەرتتەۋلەر كورسەتكەندەي، ءزىمبىردى ءاردايىم قولدانۋ حولەستەرين دەڭگەيىن ازايتىپ، قان ۇيىعى ءتۇزىلۋىن توقتاتادى. ول ءۇشىن ءزىمبىردى كىشكەنتاي بولىكتەرگە ءبولىپ، ونىڭ بىرنەشەۋىن ىستىق سۋعا سالىپ ءىشىڭىز.
Massaget.kz
