ءومىرزاق شوكەيەۆ ءىرى شارۋاشىلىقتىڭ جان-جاعىنا شاعىن كاسىپتى شوعىرلاندىرۋدى تاپسىردى
كەشە «ا ي س» ج ش س جۇمىسىمەن تانىسقان ق ر اۋىل شارۋاشىلىعى ءمينيسترى ءومىرزاق شوكەيەۆ ءىرى شارۋاشىلىقتاردىڭ اينالاسىندا شاعىن كاسىپكەرلىكتى دامىتۋدى تاپسىردى، دەپ حابارلايدى قازاقپارات ءتىلشىسى.
اقتوبەدەگى ءسۇت فەرماسى قۋاتتىلىعىن ارتتىرادى. تاعى ءبىر قورا سالىنىپ، 240 باس ءىرى قارا باعىلادى. بۇل ءسۇت ءوندىرىسىن 500 تونناعا ارتتىرۋعا مۇمكىندىك بەرەتىن جوبا. بۇرىن ءسۇت زاۋىتىنا 7500 توننا ءونىم تاپسىرىلعان بولاتىن.
«2011 -جىلى 900 سيىر ساتىپ الىندى. سيىر ماجارستان مەن گەرمانيادان اكەلىندى. قازىر فەرمادا تۇرعان ءىرى قارانىڭ ءبارى اقتوبەدە وسكەن، ءوز جەرىمىزدىڭ تۇقىمى. بارلىعى 860 باس ءىرى قارا بار. ونىڭ 720 سى ساۋىندى. وتكەن جىلى ءار سيىردان 8800 كەلى ءسۇت الىندى. ءسۇت ءوز زاۋىتىمىزدا وڭدەلىپ، دايىن ءونىم باتىس قازاقستان، قىزىلوردا، اتىراۋ وبلىستارىنا جەتكىزىلىپ جاتىر. ءبىر بولىگى رەسەيدىڭ ورىنبور وبلىسىنا تاسىمالدانادى»، - دەدى كومپانيا قۇرىلتايشىسى مارات يتەعۇلوۆ.
«ا ي س» ج ش س- نىڭ اۋماعىنداعى اسىل تۇقىمدى سيىرلارعا ارنالعان جەم-ءشوپتىڭ ءبارى ارنايى دايىندالادى. سيىرلارعا ۇنتاتىلعان جۇگەرى دە بەرىلەدى. ال جىل سايىن اسىل تۇقىمدى ءىرى قارانىڭ 150-200 ءى ساتىلادى. كوبىنە وڭتۇستىك قازاقستان ساتىپ الادى، ءىشىنارا باتىس قازاقستان وبلىسىنىڭ تۇتىنۋشىلارى دا سۇرانىس بەرەدى.
«وزگە مال شارۋاشىلىقتارىنان سۇراعاندا مال ازىعىن جەكە ادامدار دايىندايدى دەپ ايتادى. وڭتۇستىكتە بۇل تۋرالى ماسەلە بولعان ەمەس. اقشا تولەسەڭىز، ولار مال ازىعىن اكەلىپ بەرەدى. ءونىمنىڭ ءوزىندىڭ قۇنىنا اسەر ەتەدى دەگەن نۇسقانى زەرتتەپ كورۋ كەرەك»، - دەدى اۋىل شارۋاشىلىعى ءمينيسترى ءومىرزاق شوكەيەۆ.
كەيىن ءىرى اۋىل شارۋاشىلىعى قۇرىلىمدارىنىڭ جان-جاعىنا شاعىن شارۋاشىقتاردى شوعىرلاندىرۋدى تاپسىردى. قازىرگى كەزدە «ا ي س» ج ش س جانىندا 40 شاعىن كاسىپكەر بار.
«بىزدە 250 باس سيىر بار. ءسۇتتى «ا ي س» كومپانياسىنا تاپسىرامىز. وتكەن جىلى سۋارمالى ادىسپەن جۇگەرى ءوسىرىپ، ونى دا وسى فەرماعا تاپسىردىق. وتكەن جىلى 100 گەكتارعا ەگىلدى، بيىل 1 مىڭ گەكتارعا جەتكىزەمىز»، - دەدى «راراگرو» ج ش س- ءنىڭ باسشىسى مۇرات سەلەنوۆ.
اۋىل شارۋاشىلىعى ءمينيسترى ءومىرزاق شوكەيەۆ تەحنيكا، تۇقىممەن كومەكتەسۋ تۋرالى سۇراپ، فەرما جۇمىسىن ءارى قاراي كەڭەيتۋدى تاپسىردى. ايتا كەتەيىك، بۇل كومپانيا حرومتاۋ اۋدانىنان «Milker» ج ش س اشىپ، 1 780 گەكتارعا مال ازىعىن ەگۋدى جوسپارلاپ وتىر. جوبا قۇنى - 2,5 ميلليارد تەڭگە. ال جوبانىڭ ەكىنشى كەزەڭىندە تاۋارلى ءسۇت فەرماسى سالىنادى. 2020-2022-جىلدارعا ارنالعان جوبا قۇنى - 6 ميلليارد تەڭگە. مۇندا جىلىنا 11 مىڭنان استام ءسۇت وندىرىلەدى.
