قىتايدا قىزىلوردا وبلىسىنىڭ اكىمى جۇمىس ساپارىمەن ءجۇر
قازىر ايماقتا 710 ميلليون ا ق ش دوللارىنىڭ 4 يندۋستريالدىق جوباسى ىسكە اسىرىلىپ جاتىر. ەكى كاسىپورىن بيىل العاشقى ءونىمىن شىعارماق. وبلىس اكىمى قىرىمبەك كوشەربايەۆ قىتايلىقتارمەن تاعى قانداي جوبالاردى تالقىلادى؟
قىزىلوردا وبلىسى قىتايلىق ينۆەستورلارمەن تىعىز جۇمىس ىستەپ جاتقان وڭىرلەردىڭ ءبىرى. اكىم قىرىمبەك كوشەربايەۆ باستاعان دەلەگاتسيا بەيجىڭدە ءبىرقاتار ماڭىزدى كەزدەسۋ وتكىزدى. اياقتالۋعا از قالعان سۇبەلى جوبالاردى پىسىقتاپ، ونىڭ اياسىن كەڭەيتەتىن جاڭا ءونىم شىعارۋ جاعىن قارىستىردى.
ماسەلەن، بيىل جازدا ىسكە قوسىلاتىن شىنى زاۋىتى زامانۋاي گادجەتتەرگە ارنالعان وتە جۇقا اينەكتەر ءوندىرۋى مۇمكىن. «China Triumph International» كومپانياسىنىڭ باسشىلىعىمەن كەزدەسۋدە وسى ماسەلەنى تالقىلاندى.
پەن شوۋ، « «China Triumph International»كومپانياسى باسقارما ءتوراعاسى:
- قازىر ءبىز قىزىلوردا وبلىسىندا الەمدەگى ەڭ وزىق ۇلگىدەگى اينەك زاۋىتىن سالىپ جاتىرمىز. كاسىپورىندى شىلدە ايىندا استانا كۇنى قارساڭىندا ىسكە قوسامىز. بۇل قازاقستاندى شىنى ماتەريالىمەن قامتاماسىز ەتەتىن ماڭىزدى جوبالاردىڭ ءبىرى. ءونىم وزگە ەلدەرگە دە ەكسپورتتالاتىن بولادى.
ماڭىزدى كەزدەسۋلەر بارىسىندا وسىنداي 5 جوبا توڭىرەگىندە كەلىسسوزدەر جاسالدى. ولاردىڭ قاتارىندا قىزىلوردا وڭىرىندە سەمەنت ءوندىرۋ، قىزاناق ەزبەسىن شىعارۋ جانە ارال قالاسىندا سودا وندىرەتىن زاۋىت قۇرىلىسى بار.
قىرىمبەك كوشەربايەۆ، قىزىلوردا وبلىسىنىڭ اكىمى:
- «گەجۋبا گرۋپپ» سەمەنت زاۋىتى سالىنىپ جاتىر. امانشىلىق بولسا، جىلدىڭ اياعىندا جەلتوقساننىڭ اياعىندا ىسكە قوسىلادى. تومات پاستاسى زاۋىتى جانە ارال قالاسىنداعى سودا زاۋىتىنىڭ قۇرىلىسىنا كىرىسىپ جاتىرمىز. نەگىزى بارلىق دايىندىق ماسەلەلەرى شەشىلگەن.
بۇدان بولەك وبلىس اكىمى ينجينيرينگتىك كومپانياسىنىڭ وكىلدەرىمەن دە كەلىسسوز جۇرگىزدى. تاراپتار قىتايلىق كومپانيانىڭ وڭىردە كۇن جانە سۋ ەلەكتر ستانسالارىن، قوقىس وڭدەيتىن زاۋىت سالۋ مۇمكىندىگىن تالقىلادى. سىر وڭىرىندە 365 كۇننىڭ 362- ءسى شۋاقتى كەلەدى. سوندىقتان كۇن ساۋلەسىن پايدالانۋ كەرەك. تىپتەن ونى قازاقستاننىڭ ءبىرىڭعاي ەنەرگيا جۇيەسىنە دە ەنگىزۋگە بولادى. وبلىس اكىمى ينۆەستورعا بۇل جوبالاردى جۇزەگە اسىرۋ ءۇشىن مەملەكەتتىك- جەكە مەنشىك ارىپتەستىك جۇيەسىن ۇسىندى.
جەن چەنسزيۋن، CNEEC ينجينيرينگ كومپانياسىنىڭ ۆيتسە- پرەزيدەنتى:
- ءبىزدىڭ وبلىس اكىمىمەن كەزدەسۋىمىز ءساتتى ءوتتى. ءتورت جوبانى تالقىلادىق. ولاردىڭ بارلىعىنا قىزىعىپ وتىرمىز. جالپى وسى جوبالاردى تولىقتاي جۇزەگە اسىرۋعا ءبىزدىڭ مۇمكىندىكتەرىمىز جەتكىلىكتى. قازاقستان مەن قىتايدىڭ ارىپتەستىگىنە ۇلەس قوسۋ ءبىز ءۇشىن ۇلكەن مارتەبە.
ەرتەڭ قىزىلوردا وبلىسىنىڭ دەلەگاتسياسى شىنجىن قالاسىنا بارادى. ايماق وكىلدەرى وندا قىزىلوردادا «اقىلدى قالا» جوباسىن جۇزەگە اسىرۋدىڭ ماسەلەسىن تالقىلايدى. سىرداريانىڭ سول جاعالاۋىندا بوي كوتەرەتىن جاڭا قالاشىقتى سالۋعا قىتاي كومپانيالارىنىڭ تاجىريبەسىن تارتۋدى كوزدەيتىن قۇجاتتارعا قول قويىلادى.
اۆتورلارى: نۇربەك بەكەن، جاڭ ءسۇي
www.24.kz
