قازاقستاندا بيىل قانداي جولداردىڭ قۇرىلىسى اياقتالادى

«قاز اۆتو جول» ۇلتتىق كومپانياسىنىڭ باسشىسى ەرمەك قيزاتوۆتىڭ ايتۋىنشا، اعىمداعى جىلدا «ورال- كامەنكا- رەسەي شەكاراسى»، «قاپشاعاي- تالدىقورعان»، «استانا- پاۆلودار» جانە «پاۆلودار- ش ق و شەكاراسى» جولدارى تاپسىرىلادى.

«كەلەسى جىلدا «شۋچينسك- زەرەندى»، «تاسكەسكەن- باقتى»، كوكتەرەك اسۋى، «بەينەۋ- اقجىگىت» جولدارىنىڭ قۇرىلىسى اياقتالادى. 2020 -جىلى «قوستاناي- قارابۇتاق»، «ءۇشارال- دوستىق»، «مەركە- بۇرىلبايتال» جانە استانانىڭ وڭتۇستىك- باتىس اينالما جولىن، ال 2021 -جىلى «الماتى- وسكەمەن» جانە «اقتوبە- اتىراۋ» ۋچاسكەلەرىن پايدالانۋعا بەرەمىز دەگەن جوسپار بار. جالپى، 2018-2022 -جىلدار ىشىندە  4700 شاقىرىمعا سوزىلاتىن جولداردى قالپىنا كەلتىرۋ شارالارى جوسپارلانعان. سونداي- اق  7500 شاقىرىمعا كۇردەلى جوندەۋ جۇرگىزىلەدى»، - دەپ اتاپ كورسەتتى ە. قيزاتوۆ.

ايتا كەتەيىك، بۇگىنگى كەڭەس كەزىندە ق ر پرەمەر- ءمينيسترىنىڭ ءبىرىنشى ورىنباسارى اسقار مامين كونتەينەرلىك ترانزيتتى وزگە ەلدەردە ۇيىمداستىرۋ ماسەلەسىنە باسا نازار اۋداردى. ق ر ينۆەستيتسيالار جانە دامۋ ءمينيسترى جەڭىس قاسىمبەك اۋىل جولدارىن جوندەۋگە قاتىستى جوسپارلارمەن ءبولىستى. ال «قازاقستان تەمىر جولى» ۇلتتىق كومپانياسى العاش رەت «اقىلدى قويمانى» ىسكە قوسپاقشى.

اۆتور: ارمان اسقاروۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى